Nirmala Sitharaman: బ్యాంకింగ్ రంగంలో కస్టమర్లను ఇబ్బంది పెట్టే పద్ధతులపై కేంద్ర ప్రభుత్వం మరియు ఆర్బీఐ ఉక్కుపాదం మోపాయి. బ్యాంకులు తమ విధివిధానాల్లో పారదర్శకత పెంచాలని, వినియోగదారుల ప్రయోజనాలే పరమావధిగా పనిచేయాలని స్పష్టమైన ఆదేశాలు వెలువడ్డాయి.
Read Also: YouTuber Anvesh: లుకౌట్ నోటీసులపై స్పందించిన అన్వేష్
బలవంతపు బీమాపై ఆర్థిక మంత్రి ఆగ్రహం:
బ్యాంక్ కస్టమర్లకు వారి ఇష్టం లేకుండా బలవంతంగా బీమా పాలసీలను కట్టబెట్టే (Misselling) విధానాలపై కేంద్ర ఆర్థిక మంత్రి నిర్మలా సీతారామన్ తీవ్రంగా స్పందించారు. ఇలాంటి మోసపూరిత పద్ధతులను తక్షణమే నిలిపివేయాలని బ్యాంకర్లను హెచ్చరించారు. ఒకవేళ తప్పుడు సమాచారంతో పాలసీలు అమ్మినట్లు తేలితే, ఆ సొమ్మును తిరిగి చెల్లించడమే కాకుండా, కస్టమర్లకు నష్టపరిహారం కూడా ఇవ్వాల్సి ఉంటుందని ఆమె స్పష్టం చేశారు.
డార్క్ ప్యాటర్న్స్కు ఆర్బీఐ చెక్:
డిజిటల్ బ్యాంకింగ్లో వినియోగదారులను తప్పుదారి పట్టించే ‘డార్క్ ప్యాటర్న్స్’ (Dark Patterns) పై భారత రిజర్వు బ్యాంక్ కఠిన నిర్ణయం తీసుకుంది. బ్యాంకింగ్ యాప్లు లేదా వెబ్సైట్లలో కస్టమర్లకు తెలియకుండా సేవలను యాక్టివేట్ చేయడం వంటి ట్రిక్స్ను 2026 జులై నాటికి పూర్తిగా తొలగించాలని ఆదేశించింది. ఏదైనా కొత్త సేవను అందించే ముందు ఖాతాదారుల ముందస్తు అనుమతి తీసుకోవడం ఇకపై తప్పనిసరి.
Read hindi news: hindi.vaartha.com
Epaper: epaper.vaartha.com
Read Also: