News Telugu: RRB Railway Jobs- ఆర్ఆర్ బి పారా మెడికల్

News Telugu: రైల్వే రిక్రూట్‌మెంట్ బోర్డ్‌ (RRB) తాజాగా దేశ వ్యాప్తంగా ఉన్న రీజియన్లలో పారా మెడికల్ (Para medical) విభాగంలో ఖాళీగా ఉన్న పోస్టుల భర్తీ కోసం నోటిఫికేషన్ విడుదల చేసింది. మొత్తం 434 పోస్టులు ఈ ప్రకటన కింద భర్తీ చేయబోతున్నారు. అర్హులైన అభ్యర్థులు ఆన్‌లైన్‌ విధానంలో దరఖాస్తు చేసుకోవచ్చు.

పోస్టుల వివరాలు

ఈ నోటిఫికేషన్‌ కింద విభాగాల వారీగా పోస్టుల సంఖ్య ఇలా ఉంది:

నర్సింగ్‌ సూపరింటెండెంట్‌ (Nursing Superintendent)– 272
డయాలిసిస్‌ టెక్నీషియన్‌ – 4
హెల్త్‌ అండ్ మలేరియా ఇన్‌స్పెక్టర్‌ గ్రేడ్‌-2 – 33
ఫార్మసిస్ట్‌ (ఎంట్రీ గ్రేడ్‌) – 105
రేడియోగ్రాఫర్‌/ఎక్స్‌రే టెక్నీషియన్‌ – 4
ఈసీజీ టెక్నీషియన్‌ – 4
లాబోరేటరీ టెక్నీషియన్‌ గ్రేడ్‌-2 – 12

అర్హతలు

ప్రతి పోస్టుకు అనుగుణంగా విద్యార్హతలు నిర్ధారించారు.

నర్సింగ్‌ సూపరింటెండెంట్‌ పోస్టులకు B.Sc నర్సింగ్
ఫార్మసిస్ట్‌ పోస్టులకు ఫార్మసీ డిప్లొమా లేదా డిగ్రీ
రేడియోగ్రఫీ పోస్టులకు రేడియోగ్రఫీ డిప్లొమా/డిగ్రీ
ల్యాబ్ టెక్నీషియన్‌ పోస్టులకు డీఎంఎల్టీ (Diploma in Medical Laboratory Technology)
ఇతర పోస్టులకు సంబంధిత విభాగంలో టెన్+2, డిప్లొమా లేదా డిగ్రీ అర్హత తప్పనిసరి.

వయోపరిమితి

2026 జనవరి 1 నాటికి అభ్యర్థుల వయస్సు ఈ విధంగా ఉండాలి.

నర్సింగ్‌ సూపరింటెండెంట్‌: 20–40 ఏళ్లు
డయాలిసిస్‌ టెక్నీషియన్‌: 20–33 ఏళ్లు
హెల్త్‌ & మలేరియా ఇన్‌స్పెక్టర్‌: 18–33 ఏళ్లు
ఫార్మసిస్ట్‌: 20–35 ఏళ్లు
రేడియోగ్రాఫర్‌: 19–33 ఏళ్లు
ఈసీజీ టెక్నీషియన్‌: 18–33 ఏళ్లు
లాబోరేటరీ టెక్నీషియన్‌: 18–33 ఏళ్లు

దరఖాస్తు ప్రక్రియ

అభ్యర్థులు ఆన్‌లైన్‌ విధానంలో సెప్టెంబర్‌ 8, 2025 లోపు దరఖాస్తు చేసుకోవాలి.
దరఖాస్తు ఫీజు:
- జనరల్‌, OBC, EWS – రూ.500
- SC, ST, మైనారిటీ, EBC, PwBD, మహిళలు, ట్రాన్స్‌జెండర్‌, మాజీ సైనికులు – రూ.250
దరఖాస్తు సవరణకు సెప్టెంబర్‌ 11 నుంచి 20 వరకు అవకాశం ఉంటుంది.