తిరుపతి-పాకాల-కాట్పాడి రైలు మార్గాన్ని విస్తరించేందుకు కేంద్రం గ్రీన్ సిగ్నల్ ఇచ్చింది. ప్రధాన మంత్రి నరేంద్ర మోదీ స్వయంగా ఈ విషయాన్ని సోషల్ మీడియాలో వెల్లడించారు.ఈ రూట్ డబ్లింగ్ వల్ల ప్రయాణీకులకు అనేక ప్రయోజనాలు ఉంటాయని ఆయన తెలిపారు. రద్దీ తగ్గి, రైలు కనెక్టివిటీ మరింత మెరుగవుతుందని పేర్కొన్నారు.ఈ ప్రాజెక్టు పూర్తయితే తిరుపతి, చిత్తూరు జిల్లాల అభివృద్ధికి బలం చేకూరుతుంది. భక్తులు బాలాజీ ఆలయానికి మరింత సులభంగా చేరుకోవచ్చు.శ్రీకాళహస్తి, చంద్రగిరి వంటి ప్రముఖ పుణ్యక్షేత్రాల మధ్య ప్రయాణం సౌకర్యవంతంగా మారుతుంది. రైలు మార్గం అభివృద్ధితో పర్యాటకం కూడా ఊపు అందుకుంటుంది.పొరుగున్న తమిళనాడు రాష్ట్రానికి వస్తువులు చక్కగా చేరతాయి. రైతులు తమ పంటలను మార్కెట్లకు వేగంగా తరలించగలుగుతారు.దీంతో వ్యవసాయ ఆదాయం కూడా పెరిగే అవకాశం ఉంటుంది.
ప్రజలకు వ్యాపారవేత్తలకు సమర్థవంతమైన రవాణా లభిస్తుంది.ఈ ప్రాజెక్టుకి కేంద్రం భారీగా నిధులు విడుదల చేసింది. రూ.1,332 కోట్లతో ఈ డబ్లింగ్ పనులు జరగనున్నాయి.ఇందుకు ప్రధాని మోదీకి, రైల్వే మంత్రి అశ్విని వైష్ణవ్కు సీఎం చంద్రబాబు ధన్యవాదాలు తెలిపారు. ప్రజల తరపున కృతజ్ఞతలు తెలిపారు.తిరుపతి, వేలూరు ప్రాంతాల్లో ఉన్న మెడికల్, ఎడ్యుకేషన్ హబ్లకు ప్రయాణం సులభమవుతుంది. ప్రజలకు నాణ్యమైన సేవలు అందుబాటులోకి వస్తాయి.ఈ మార్గం ద్వారా సిమెంట్, ఉక్కు, ఎలక్ట్రానిక్స్ పరిశ్రమలకు గతి వస్తుంది. ఉపాధి అవకాశాలు పెరిగి స్థానిక అభివృద్ధి వేగవంతమవుతుంది.చిత్తూరు, తిరుపతి జిల్లాలకు ఇది అభివృద్ధి దిశగా పెద్ద అడుగని చంద్రబాబు అభిప్రాయపడ్డారు. ఈ ప్రాజెక్టుతో కొత్త శకం మొదలవుతుందని పేర్కొన్నారు.