వస్తు మరియు సేవల పన్ను (GST) రేట్లలో కేంద్ర ప్రభుత్వం ఇటీవల కీలక మార్పులు చేసింది. ఈ మార్పుల నేపథ్యంలో ప్రజలకు ప్రయోజనం కలిగే విధంగా పలు ఉత్పత్తులపై పన్ను తగ్గింపు అమలు అవుతోంది. దీనివల్ల రోజువారీ వినియోగ వస్తువుల ధరల్లో తగ్గుదల కనిపించనుంది. ఈ పరిణామాల్లో భాగంగా, దేశంలో ప్రముఖ డెయిరీ సంస్థ మదర్ డెయిరీ (Mother Dairy) తాజాగా ఓ కీలక ప్రకటన విడుదల చేసింది. (GST) రేట్లు తగ్గిన నేపథ్యంలో, మదర్ డెయిరీ తమ కొన్ని పాల ఉత్పత్తులపై ధరల తగ్గింపును అమలు చేయనున్నట్టు ప్రకటించింది.
జీఎస్టీలోని అత్యధిక పన్ను శ్లాబులను కేంద్ర ప్రభుత్వం తొలగించింది. జీఎస్టీలో ప్రస్తుతం 5, 12, 18, 28 శాతం పన్ను స్లాబులున్న విషయం తెలిసిందే. మార్కెట్లోని దాదాపు అన్ని వస్తూత్పత్తులపై ఈ స్లాబుల ప్రకారమే పరోక్ష పన్నులు పడుతున్నాయి. అయితే, వీటిలో 12, 28 స్లాబులను కేంద్రం తొలగించింది. ఇకపై 5, 18 శాతం స్లాబులు మాత్రమే ఉండనున్నాయి. ఈ కొత్త పన్ను రేట్లు ఈనెల 22 నుంచి అమల్లోకి రానున్నాయి. కేంద్రం నిర్ణయంతో అనేక వస్తువుల రేట్లు తగ్గనున్నాయి. ఇందులో భాగంగానే ప్రముఖ డెయిరీ సంస్థ మదర్ డెయిరీ (Mother Dairy) తాజాగా కీలక ప్రకటన చేసింది. పాల నుంచి నెయ్యి వరకూ అనేక ఉత్పత్తులపై జీఎస్టీ మార్పులకు అనుగుణంగా రేట్లను తగ్గించనున్నట్లు ప్రకటించింది.
మదర్ డెయిరీ యజమాని ఎవరు?
మదర్ డెయిరీ 1974లో ప్రారంభించబడింది మరియు ఇది నేషనల్ డైరీ డెవలప్మెంట్ బోర్డ్ (NDDB) యొక్క పూర్తి యాజమాన్య అనుబంధ సంస్థ . ఇది భారతదేశాన్ని తగినంత పాల ఉత్పత్తి కలిగిన దేశంగా మార్చడానికి ప్రారంభించబడిన ప్రపంచంలోనే అతిపెద్ద పాల అభివృద్ధి కార్యక్రమం ఆపరేషన్ ఫ్లడ్ కింద ఒక చొరవ.
మదర్ డెయిరీ టర్నోవర్ ఎంత?
మంచి డిమాండ్తో మదర్ డెయిరీ టర్నోవర్ 15% పెరిగి 2025 ఆర్థిక సంవత్సరంలో రూ. 17 వేల కోట్లు దాటవచ్చు: ఎండీ మనీష్ బాండ్లిష్. 2023-24లో, మదర్ డెయిరీ రూ. 15,037 కోట్ల టర్నోవర్ సాధించింది.
భారతదేశంలో మదర్ డెయిరీ ర్యాంక్?
భారతదేశంలోని అన్ని పరిశ్రమలలోని టాప్ 100 బ్రాండ్లలో మదర్ డెయిరీ ఇప్పుడు 35వ స్థానంలో ఉంది, 2024లో ఇది 41వ స్థానంలో ఉంది, ఇది గణనీయమైన మెరుగుదలను ప్రతిబింబిస్తుంది.
Read hindi news: hindi.vaartha.com
Read Also: