Modi World Record : భారత ప్రధాని నరేంద్ర మోదీ సోషల్ మీడియా వేదికగా మరొక అరుదైన ప్రపంచ రికార్డును నెలకొల్పారు. దేశవ్యాప్తంగా తీవ్ర చర్చనీయాంశమైన నీట్ (NEET) పేపర్ లీకేజీ అంశంపై ప్రధాని మోదీ గురువారం అర్ధరాత్రి ఇన్స్టాగ్రామ్‌లో పోస్ట్ చేసిన ఒక వీడియో డిజిటల్ ప్రపంచంలో తుఫాను సృష్టించింది. ఈ వీడియోను పోస్ట్ చేసిన కేవలం 24 గంటల వ్యవధిలోనే ఏకంగా 303 మిలియన్లకు పైగా (30.3 కోట్లు) వ్యూస్ వచ్చి పడ్డాయి. గతంలో ఫిఫా వరల్డ్ కప్ (FIFA WC) సమయంలో ప్రముఖ అంతర్జాతీయ కంటెంట్ క్రియేటర్ ఐషోస్పీడ్ (IShowSpeed) నమోదు చేసిన 300 మిలియన్ల వ్యూస్ వరల్డ్ రికార్డును ప్రధాని మోదీ వీడియో అధిగమించి అగ్రస్థానంలో నిలిచింది.
Read Also : పాంగి లోయలో విరిగిపడిన కొండచరియలు.. 13 మంది మృతి!
ఒకే రోజులో 10 లక్షల మంది కొత్త ఫాలోవర్లు!
ఈ గ్లోబల్ రికార్డు వ్యూస్‌తో పాటు ప్రధాని మోదీ ఇన్స్టాగ్రామ్ ఖాతా సరికొత్త మైలురాయిని దాటింది. ఈ ఒక్క వీడియో ఇంపాక్ట్‌తో కేవలం 24 గంటల వ్యవధిలోనే ప్రధానికి ఇన్స్టాగ్రామ్‌లో కొత్తగా 10 లక్షల (1 మిలియన్) మంది ఫాలోవర్లు పెరిగారు. దీంతో ఆయన మొత్తం ఫాలోవర్ల సంఖ్య ఏకంగా 102 మిలియన్లకు చేరుకుని, ప్రపంచంలోనే అత్యధిక సోషల్ మీడియా ఆదరణ కలిగిన దిగ్గజ నేతగా ఆయన స్థానాన్ని మరింత పటిష్టం చేసింది. దేశంలోని కోట్లాది మంది విద్యార్థులు, యువత నీట్ అంశంపై ప్రధాని స్పందనను ఎంత నిశితంగా గమనిస్తున్నారో అనడానికి ఈ డిజిటల్ రికార్డే నిలువెత్తు నిదర్శనం.
Read Also hindi news: hindi.vaartha.com
Read Also Epaper : epaper.vaartha.com
Read Also :