Parliament Session : ప్రస్తుత పార్లమెంట్ వర్షాకాల సమావేశాల నేపధ్యంలో ప్రధానమంత్రి నరేంద్ర మోదీ ఎన్డీఏ (NDA) భాగస్వామ్య పక్షాల ఎంపీలకు ప్రత్యేక అల్పాహార విందు ఇచ్చారు. ఈ సమావేశంలో పార్లమెంట్ ఉభయ సభలలో ప్రతిపక్షాల గందరగోళం, నిరసనల కారణంగా కొత్తగా ఎన్నికైన మరియు ఇతర పార్టీల నుంచి వచ్చిన ఎంపీలకు మాట్లాడే అవకాశం దక్కకపోవడంపై మోదీ చర్చించారు. ముఖ్యంగా తృణమూల్ కాంగ్రెస్ (TMC) ను వీడి నేషనలిస్ట్ సిటిజన్స్ పార్టీ ఆఫ్ ఇండియా (NCPI) లో చేరిన 20 మంది ఎంపీలు, అలాగే ఉద్ధవ్ థాకరే వర్గాన్ని వీడి షిండే వర్గంలో చేరిన 6 మంది శివసేన MPలతో ప్రధాని ప్రత్యేకంగా ముచ్చటించారు. సభలో ఎదురవుతున్న పరిణామాలపై ఆందోళన చెందవద్దని, ప్రతీ ఒక్కరికీ తమ అభిప్రాయాలను వ్యక్తం చేసే పూర్తి అవకాశం కల్పిస్తామని ప్రధాని వారికి బలమైన భరోసానిచ్చారు.
Read Also : జెన్-జీపై మోహన్ భగవత్ వ్యాఖ్యలకు సీపీఐ అభిజిత్ దీప్కే కౌంటర్
ఎన్డీఏ భాగస్వామ్య బలోపేతం
ఈ భేటీ సందర్భంగా ప్రధాని మోదీ ఎన్డీఏ ఎంపీలందరూ ఒకే కుటుంబంలా కలిసికట్టుగా పనిచేయాలని పిలుపునిచ్చారు. కూటమిలోకి కొత్తగా వచ్చిన ఎంపీలకు పాత సభ్యులతో సమానంగా ప్రాధాన్యత, గౌరవం ఉంటాయని స్పష్టం చేశారు. సభా కార్యక్రమాల్లో క్రియాశీలకంగా పాల్గొనాలని, ప్రజా సమస్యలపై పూర్తి అవగాహనతో గళం విప్పాలని సూచించారు. పార్లమెంట్ సాక్షిగా దేశాభివృద్ధికి, తమ తమ నియోజకవర్గాల సమగ్ర పురోగతికి ప్రతినిధులుగా కృషి చేయాలని ఎంపీలకు దిశానిర్దేశం చేశారు. ఈ భేటీ ద్వారా ఎన్డీఏ కూటమిలోని కొత్త భాగస్వామ్యపక్షాల్లో నూతన ఉత్సాహం నింపేందుకు ప్రధాని ప్రయత్నించినట్లు రాజకీయా విశ్లేషకులు భావిస్తున్నారు.
Read Also hindi news: hindi.vaartha.com
Read Also Epaper : epaper.vaartha.com
Read Also :