Menaka Guruswamy: త్వరలో జరగనున్న రాజ్యసభ ఎన్నికల నేపథ్యంలో పశ్చిమ బెంగాల్ అధికార పార్టీ తృణమూల్ కాంగ్రెస్ (TMC) తమ అభ్యర్థుల జాబితాను విడుదల చేసింది. ఈ జాబితాలో రాష్ట్ర మంత్రి బాబుల్ సుప్రియో, బెంగాల్ మాజీ డీజీపీ రాజీవ్ కుమార్, ప్రముఖ నటి కోయల్ మల్లిక్ వంటి హేమాహేమీలతో పాటు సుప్రీంకోర్టు సీనియర్ న్యాయవాది మేనకా గురుస్వామి పేరు ఉండటం విశేషం. పశ్చిమ బెంగాల్లో ఖాళీ అవుతున్న ఐదు స్థానాల్లో నాలుగు టీఎంసీకి, ఒకటి బీజేపీకి దక్కే అవకాశం ఉండటంతో మేనకా గురుస్వామి ఎన్నిక దాదాపు ఖాయంగా కనిపిస్తోంది.
Read Also:Hapur Adulterated Sweets Incident: ఫ్రీ అయితే ఫినాయిల్ అయినా పర్లేదా?
తృణమూల్ కాంగ్రెస్ అభ్యర్థుల ప్రకటన; బాబుల్ సుప్రియో, కోయల్ మల్లిక్ కూడా జాబితాలో..
మేనకా గురుస్వామి రాజ్యసభకు ఎన్నికైతే, భారత పార్లమెంటు చరిత్రలో ఒక సరికొత్త అధ్యాయం మొదలుకానుంది. ఆమె దేశంలోనే తొలి ‘LGBTQ’ ఎంపీగా రికార్డు సృష్టించనున్నారు. ముఖ్యంగా ఆమె తనను తాను ‘క్వీర్’ (Queer) గా గుర్తించుకున్నారు. చట్టసభల్లో ఇలాంటి సామాజిక వర్గాలకు ప్రాతినిధ్యం లభించడం భారత ప్రజాస్వామ్యంలో సమానత్వానికి ఒక గొప్ప మైలురాయి అని రాజకీయ విశ్లేషకులు అభిప్రాయపడుతున్నారు. గతంలో ఐపీఏసీ (I-PAC) కార్యాలయంపై జరిగిన సోదాలను వ్యతిరేకిస్తూ టీఎంసీ తరఫున కోర్టులో ఆమె వాదనలు వినిపించిన నేపథ్యంలోనే ఈ పదవి దక్కినట్లు తెలుస్తోంది.
న్యాయవాదిగా మేనకా గురుస్వామికి అంతర్జాతీయ స్థాయిలో గుర్తింపు ఉంది. 2018లో స్వలింగ సంపర్కాన్ని నేరంగా పరిగణించే ఐపీసీ సెక్షన్ 377ను కొట్టివేయడంలో ఆమె కీలక పాత్ర పోషించారు. ఆక్స్ఫర్డ్ మరియు హార్వర్డ్ వంటి ప్రతిష్టాత్మక విశ్వవిద్యాలయాల్లో విద్యనభ్యసించిన ఆమె, గతంలో న్యూయార్క్లో కూడా పనిచేశారు. 2019లో ‘టైమ్ మ్యాగజైన్’ ప్రకటించిన అత్యంత ప్రభావవంతమైన 100 మంది వ్యక్తుల జాబితాలో చోటు దక్కించుకోవడమే కాకుండా, గ్లోబల్ థింకర్స్ లిస్టులో కూడా నిలిచారు. మార్చి 16న జరిగే ఈ ఎన్నికలు భారత రాజకీయాల్లో సామాజిక మార్పుకు వేదిక కానున్నాయి.
Read hindi news: hindi.vaartha.com
Epaper: epaper.vaartha.com
Read Also: