Maoists : మావోయిస్టులకు మరో గట్టి దెబ్బ మావోయిస్టులకు వరుస ఎదురు దెబ్బలు తగులుతున్నాయి ఛత్తీస్గఢ్లో ఇటీవల జరిగిన సంఘటనలు ఇందుకు నిదర్శనం. మార్చి 29న సుక్మా, బీజాపూర్ జిల్లాల్లో జరిగిన రెండు వేర్వేరు ఎన్కౌంటర్లలో 18 మంది మావోయిస్టులు మరణించారు. వీరిలో 11 మంది మహిళలు ఉన్నట్లు అధికారులు వెల్లడించారు. ఇదే సమయంలో ప్రధాని నరేంద్ర మోదీ ఛత్తీస్గఢ్లో పర్యటించనున్న నేపథ్యంలో, భారీ సంఖ్యలో మావోయిస్టులు లొంగిపోయిన సంగతి గమనార్హం.బీజాపూర్ జిల్లాలో దాదాపు 50 మంది మావోయిస్టులు పోలీసుల ఎదుట లొంగిపోయారు. వీరిలో మావోయిస్టు కీలక నేత రవీంద్రతో పాటు రూ. 68 లక్షల రివార్డు ఉన్న 14 మంది ఉన్నారు.
కేంద్ర ప్రభుత్వం 2026 నాటికి దేశం నుంచి మావోయిస్టులను పూర్తిగా నిర్మూలించాలని లక్ష్యంగా పెట్టుకున్న విషయం తెలిసిందే.దీనిలో భాగంగా భద్రతా దళాలు దండకారణ్యంలో కూబింగ్ ఆపరేషన్లు ముమ్మరం చేశాయి.ఈ ఏడాది జనవరి నుంచి ఇప్పటి వరకు 134 మంది మావోయిస్టులు ఎన్కౌంటర్లలో మరణించగా, 700 మందికి పైగా లొంగిపోయారు. వరుస ఎదురుదెబ్బల కారణంగా మావోయిస్టుల ఉనికి తగ్గిపోతోందని భద్రతా బలగాలు అంటున్నాయి.
మావోయిస్టులపై ప్రత్యేకంగా ‘ఆపరేషన్ కగార్’ కొనసాగుతుండటంతో మరిన్ని ఎదురు దాడులు ఎదురుకావొచ్చని విశ్లేషకులు భావిస్తున్నారు.భద్రతా బలగాల దాడుల వల్ల మావోయిస్టు ప్రభావం దేశవ్యాప్తంగా తగ్గింది. కానీ ఛత్తీస్గఢ్లో మాత్రం వారి ఆధిపత్యం ఇంకా కొనసాగుతోంది. దీనిని దృష్టిలో పెట్టుకుని కేంద్ర ప్రభుత్వం లొంగిపోయే మావోయిస్టులకు పునరావాసం కల్పించనున్నట్లు ప్రకటించింది. ఈ నేపథ్యంలో భవిష్యత్లో మరింత మంది మావోయిస్టులు లొంగి, సాధారణ జీవితానికి వచ్చేందుకు అవకాశం ఉందని అధికారులు భావిస్తున్నారు.ఎన్కౌంటర్ల పెరుగుదల నేపథ్యంలో మావోయిస్టు పార్టీ స్పందించింది. మార్చి 4న దేశవ్యాప్త బంద్కు పిలుపునిచ్చింది. అయితే లొంగిపోయిన వారికే భద్రత ఉందని ప్రభుత్వం స్పష్టంగా తెలిపింది. వరుస ఎదురు దెబ్బలతో మావోయిస్టు ఉద్యమం మరింత బలహీనపడే అవకాశముందని భద్రతా వర్గాలు పేర్కొంటున్నాయి.