ఉత్తరాఖండ్ రాష్ట్రంలోని హరిద్వార్ (Haridwar) లో ఆదివారం ఉదయం మానసా దేవి ఆలయం (Manasa Devi Temple) లో జరిగిన విషాదకర ఘటన దేశవ్యాప్తంగా విషాదాన్ని నింపింది. ఈ ఘటనలో మొత్తం ఆరుగురు భక్తులు ప్రాణాలు కోల్పోయారు. పలువురు తీవ్రంగా గాయపడ్డారు.
తొక్కిసలాటకు కారణం: కరెంట్ షాక్ పుకారా?
ప్రాథమిక దర్యాప్తు ప్రకారం, ఈ ఘటనకు కారణం ఒక పుకారే కావచ్చని అధికారులు తెలిపారు. హరిద్వార్ డిస్ట్రిక్ట్ మేజిస్ట్రేట్ మయూర్ దీక్షిత్ (Mayur Dixit) వెల్లడించిన వివరాల ప్రకారం విద్యుత్ తీగ తెగిపోయిందన్న పుకారుతో భక్తుల్లో గందరగోళం ఏర్పడింది. ఆ సమయంలో ఆలయ పరిసరాల్లో పెరిగిన తొక్కిసలాట భక్తుల మృతి వరకు దారి తీసింది.
“మృతుల శవపరిశీలనలో ఎలాంటి విద్యుత్ షాక్ గాయాల ఆధారాలు లేవు. విద్యుత్ షాక్కు గురయ్యారన్న పుకారును ఎవరు వ్యాప్తి చేశారనే దానిపై సమగ్ర దర్యాప్తు జరుగుతుంది. మెజిస్టీరియల్ విచారణకు కూడా ఆదేశించాం,” అని డీఎం చెప్పారు. సీసీటీవీ కెమెరాలు, ఇతర మార్గాలను పరిశీలిస్తాం.
మానసా దేవి ఆలయ ప్రత్యేకత
శివాలిక్ కొండలపై సముద్ర మట్టానికి సుమారు 500 అడుగుల ఎత్తులో నిర్మితమైన మానసా దేవి ఆలయం హరిద్వార్ నగరానికి ప్రత్యేక గౌరవాన్ని తెచ్చిపెడుతుంది. ఇది ‘పంచ తీర్థాల’లో ఒకటి కావడంతో పాటు, శక్తిపీఠాలలోనూ ముఖ్యమైనదిగా పరిగణించబడుతుంది. ఆదివారం శ్రావణ మాసం సందర్భంగా పెద్ద సంఖ్యలో భక్తులు ఆలయ దర్శనార్థం తరలివచ్చారు.
సహాయక చర్యలు, ప్రభుత్వ స్పందన
తొక్కిసలాట జరిగిన వెంటనే ఎమర్జెన్సీ సిబ్బంది ఆలయానికి చేరుకొని గాయపడినవారికి ప్రథమ చికిత్స అందించారు. కొంతమందిని హుటాహుటిన సమీపంలోని ఆసుపత్రులకు తరలించారు. గాయాల తీవ్రతను బట్టి మరికొందరి పరిస్థితి విషమంగా ఉందని సమాచారం.
ఉత్తరాఖండ్ ముఖ్యమంత్రి పుష్కర్ సింగ్ ధామి మృతుల కుటుంబాలకు ప్రగాఢ సానుభూతి తెలిపారు. “ఈ విషాదకర ఘటన బాధాకరం. సహాయక బృందాలు సంఘటనా స్థలంలో తక్షణ చర్యలు చేపట్టాయి. భక్తుల భద్రత కోసం యంత్రాంగం అప్రమత్తంగా ఉంది. పరిస్థితిని నేను స్వయంగా సమీక్షిస్తున్నాను,” అని ఆయన పేర్కొన్నారు .
Read hindi news: hindi.vaartha.com
Read also: Chandrababu Naidu: సింగపూర్లో చంద్రబాబు – భారత హైకమిషనర్ సమావేశం