స్వాతంత్ర్యం కోసం పోరాడని వారు ఇప్పుడు themselves as సర్దార్ పటేల్ వారసులు అంటూ ప్రచారం చేస్తున్నారని కాంగ్రెస్ పార్టీ జాతీయ అధ్యక్షుడు మల్లికార్జున ఖర్గే విమర్శలు గుప్పించారు. దేశానికి ప్రాణాలర్పించిన జాతీయ నాయకులపై బీజేపీ, ఆర్ఎస్ఎస్ కుట్రలు పన్నుతున్నాయన్న ఆరోపణలు చేశారు.పటేల్ భావజాలానికి ఆర్ఎస్ఎస్ సిద్ధాంతాలు పూర్తిగా వ్యతిరేకమని ఖర్గే స్పష్టంచేశారు. మతపరంగా దేశాన్ని విభజించే ప్రయత్నాలు కొనసాగుతున్నాయని, ప్రజల్ని అసలు సమస్యల నుంచి తప్పుదారి పట్టించేందుకు బీజేపీ కుట్రలు చేస్తోందని మండిపడ్డారు.అసలు దేశానికి సంబంధించిన ప్రాథమిక సమస్యలు పరిష్కరించకుండా ప్రజల దృష్టిని మళ్లించడమే బీజేపీ లక్ష్యమని తీవ్రంగా విమర్శించారు. “భారత్లో నిరుద్యోగం, రేట్ల పెరుగుదల, రైతుల కష్టాలు… ఇవన్నీ పెద్ద సమస్యలు. కానీ అవే ఎవరూ చర్చించడంలేదు” అని ఖర్గే ఆవేదన వ్యక్తం చేశారు.140 ఏళ్ల చరిత్ర గల కాంగ్రెస్ పార్టీ దేశం కోసం ఎన్నో త్యాగాలు చేసిందని చెప్పారు.
అలాంటి పార్టీకి వ్యతిరేకంగా కుట్రలు జరుగుతున్నాయని, దేశ స్వాతంత్ర్య సమరంలో ఏమి చేయని వారు ఇప్పుడు కాంగ్రెస్ను తగ్గించేందుకు ప్రయత్నిస్తున్నారని ధ్వజమెత్తారు.పటేల్, నెహ్రూ ఇద్దరూ కలిసి దేశ నిర్మాణం కోసం పనిచేశారని ఖర్గే గుర్తు చేశారు. వారి మధ్య ఎటువంటి విభేదాలు లేవని, నెహ్రూ అనేక కీలక విషయాల్లో పటేల్ సలహాలను తీసుకునేవారని తెలిపారు. నెహ్రూ స్వయంగా పటేల్ ఇంటికి వెళ్లి చర్చలు జరిపేవారని, ఆయన సౌలభ్యం కోసం సీడబ్ల్యూసీ సమావేశాలు కూడా అక్కడే జరిపేవారని తెలిపారు.”ఇలాంటి ఘనత గల నేతలపై బీజేపీ, ఆర్ఎస్ఎస్ తప్పుడు ప్రచారం చేస్తుండటం బాధాకరం” అని ఖర్గే ఆగ్రహం వ్యక్తం చేశారు. స్వాతంత్ర్య సమరయోధులను మర్చిపోవద్దని, వారి త్యాగాలను అపహాస్యం చేయకూడదని హితవు పలికారు.ఇప్పటికీ ప్రజల హృదయాల్లో గాఢంగా నిలిచిన నేతల పేరును రాజకీయ లాభాల కోసం వాడుకుంటూ, వారి యదార్థ చరిత్రను వక్రీకరించవద్దని ఖర్గే బీజేపీకి కఠినంగా హెచ్చరించారు.
READ ALLSO :Dubai :దుబాయ్ క్రౌన్ ప్రిన్స్ భారతదేశ పర్యటన