LIC Jeevan Tarun Policy: నేటి తల్లిదండ్రులకు పిల్లల నాణ్యమైన విద్య, భద్రతతో కూడిన భవిష్యత్తు ప్రధాన లక్ష్యం. అయితే పెరుగుతున్న విద్యా ఖర్చులు తల్లిదండ్రులకు ఆర్థిక భారం పెడుతున్నాయి. ఈ నేపథ్యంలో LIC అందిస్తున్న జీవన్ తరుణ్ పాలసీ పిల్లల లక్ష్యాలకు ఆర్థిక మద్దతుగా నిలుస్తోంది. ఈ పథకం నాన్-లింక్డ్ ఇన్సూరెన్స్ పాలసీ కావడంతో స్టాక్ మార్కెట్ మార్పుల ప్రభావం ఉండదు. పరిమిత కాలం ప్రీమియం చెల్లించే విధంగా రూపొందించిన ఈ స్కీమ్లో రోజుకు సుమారు రూ.150 ఆదా చేస్తే, మెచ్యూరిటీ సమయంలో రూ.26 లక్షల వరకు నిధి పొందే అవకాశం ఉంటుంది.
విద్య ఖర్చులకు స్టేజ్ వారీగా చెల్లింపులు
పిల్లలు 20 నుంచి 24 ఏళ్ల మధ్య ఉన్నప్పుడు ప్రతి ఏడాది కొంత మొత్తాన్ని అందిస్తారు. 25 ఏళ్ల వయస్సులో మిగిలిన మొత్తాన్ని బోనస్తో కలిసి చెల్లిస్తారు. దీంతో ఉన్నత విద్య, వివాహం వంటి కీలక అవసరాలకు ఆర్థిక భరోసా కలుగుతుంది. ఈ పాలసీని పిల్లల వయస్సు ఒక సంవత్సరం నుంచే ప్రారంభించవచ్చు. దీర్ఘకాలిక పెట్టుబడితో పిల్లల భవిష్యత్తుకు సురక్షితమైన నిధి సృష్టించాలనుకునే తల్లిదండ్రులకు ఇది ఉపయోగకరంగా ఉంటుంది.
