LIC : భారతదేశంలో బీమా అనగానే సామాన్యుడి నుంచి అత్యంత సంపన్నుడి వరకు ముందుగా గుర్తుకొచ్చే పేరు లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC). ఈ దిగ్గజ సంస్థ సెప్టెంబర్ 1, 2026 నాటికి విజయవంతంగా 70 వసంతాలు పూర్తి చేసుకుని 71వ ఏటలోకి అడుగుపెట్టింది. 1956 సెప్టెంబర్ 1న కేవలం రూ.5 కోట్ల ప్రాథమిక మూలధనంతో ప్రారంభమైన ఎల్‌ఐసీ ప్రస్థానం, నేడు భారత ఆర్థిక రంగానికే అత్యంత కీలకమైన మైలురాయిగా మారింది. కోట్లాదిమంది భారతీయుల జీవితాలకు ఆర్థిక భద్రతను కల్పిస్తూ, సంక్షోభ సమయాల్లో కుటుంబాలకు ఆసరాగా నిలుస్తూ విశ్వసనీయతకు మారుపేరుగా నిలిచింది. దేశంలోని మౌలిక వసతుల కల్పన, ప్రభుత్వ అభివృద్ధి పథకాలు మరియు పరిశ్రమల పురోగతికి పెట్టుబడుల రూపంలో ఎల్‌ఐసీ అందిస్తున్న సహకారం అపారమైనది.
Read Also : ఒకే రోజు 16 కొత్త శాఖలను ప్రారంభించిన కరూర్ వైశ్యా బ్యాంక్
ప్రైవేట్ దిగ్గజాలకు గట్టి పోటీ: మార్కెట్ ఆధిపత్యంలో సరికొత్త రికార్డులు
ప్రైవేట్ బీమా కంపెనీల నుంచి తీవ్రమైన పోటీ ఎదురవుతున్నప్పటికీ, ఎల్‌ఐసీ తన అగ్రస్థానాన్ని తిరుగులేని రీతిలో నిలబెట్టుకుంటోంది. 2025-26 ఆర్థిక సంవత్సరంలో విక్రయించిన మొత్తం పాలసీల్లో ఏకంగా 65.16 శాతం వాటాను, అలాగే మొదటి సంవత్సరం ప్రీమియం (First Year Premium) సంపాదనలో 56.66 శాతం మార్కెట్ వాటాను కైవసం చేసుకుని తన ఆధిపత్యాన్ని చాటుకుంది. ప్రస్తుతం ఎల్‌ఐసీ నిర్ నిర్వహణలో ఉన్న మొత్తం ఆస్తుల విలువ (AUM – Assets Under Management) ఏకంగా రూ.57.29 లక్షల కోట్లకు చేరింది. ఏడు దశాబ్దాల సుదీర్ఘ ప్రయాణంలో సాంకేతిక మార్పులను పుణికిపుచ్చుకుంటూ, కోట్లాదిమంది పాలసీదారుల నమ్మకాన్ని నిలబెట్టుకుంటూ ఎల్‌ఐసీ ముందంజ వేస్తోంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
