ప్రపంచ ఆర్థిక వ్యవస్థలో విప్లవాత్మకమైన మార్పులు చోటు చేసుకుంటున్నాయి. ప్రత్యేకంగా ఆర్టిఫిషియల్ ఇంటెలిజెన్స్(Artificial Intelligence) (ఏఐ) వచ్చాక టాప్ కంపెనీలుసైతం తమ ఉద్యోగుల సంఖ్యను తగ్గించుకునే పనిలో పడ్డాయి. పలు దేశాలు ఆర్థిక ఇబ్బందులతో సతమతమవుతున్నాయి. దీంతో ఐటీరంగాలు సైతం తమ సిబ్బందికి వేతనాల కోసం ఇబ్బందులు పడుతున్నాయి. దీంతో ఆర్థిక పొదుపులో భాగంగా తమ ఉద్యోగుల సంఖ్య తగ్గించుకుంటున్నాయి.
ఇందులో తాజాగా అమెజాన్ కంపెనీ(Amazon Company) దాదాపు 30వేల మంది ఉద్యోగుల కోతకు సిద్ధమవుతున్నది. ఈవారం నుంచి ప్రారంభమయ్యే కొత్త రౌండ్ తొలగింపులలో సుమారు 40వేలమంది కార్పొరేట్ ఉద్యోగులు ప్రభావితమవుతారని అంతర్గత వర్గాల సమాచారం. ఏఐ ఆధారిత కార్యకలాపాల పునర్నిర్మాణం నేపథ్యంలో ఈ చర్య తీసుకున్నట్లుగా తెలుస్తోంది.
Read Also: Cricket: బీసీసీఐపై ఐసీసీ మాజీ రిఫరీ సంచలన ఆరోపణలు
ఇంకా అధికారికంగా వెలువడని ప్రకటన
ఈ తొలగింపులపై అధికారిక ప్రకటన ఇంకా వెలువడకపోయినా మంగళవారం ఉదయం నుంచే ఉద్యోగులకు ఇమెయిల్ ద్వారా నోటిఫికేషన్లు అందజేయనున్నట్లు తెలుస్తోంది. ఈ తొలగింపులు క్లౌడ్ కంప్యూటింగ్, పరికరాలు, కమ్యూనికేషన్స్, రిటైల్ కార్యకలాపాలు వంటి అనేక విభాగాలనుప్రభావితం చేయనున్నాయి. ఈ నివేదికలపై స్పందించేందుకు సంస్థ నిరాకరించింది. ప్రస్తుతం అమెజాన్ లో ప్రపంచవ్యాప్తంగా 1.54 మిలియన్ల మంది ఉద్యోగులు ఉన్నారు. వీరిలో సుమారు 3.5 లక్షలమంది కార్పొరేట్ ఉద్యోగులు, మిగతా వారు గిడ్డంగి, లాజిస్టిక్స్ విభాగాల్లో పనిచేస్తున్నారు. గత రెండు సంవత్సరాల్లో అమెజాన్ 27వేలమందికి పైగా ఉద్యోగులను తొలగించింది. తాజా నిర్ణయం ఆ పునర్నిర్మాణ ప్రక్రియను మరింత వేగవంతం చేయనుంది.
98వేలమంది ఉద్యోగులను తొలగించిన టెక్ కంపెనీలు
లేఆఫ్స్ డేటా ప్రకారం 2025లో ఇప్పటివరకు 200 కంటే ఎక్కువ టెక్ కంపెనీలు దాదాపు 98వేలమంది ఉద్యోగులను తొలగించాయి. మైక్రోసాఫ్ట్, గూగుల్, మెటా, ఇంటెల్ వంటి దిగ్గజ సంస్థలు కూడా ఏఐ అభివృద్ధి, ఆటోమేషన్ వైపు వనరులను మళ్లిస్తూ గణనీయమైన లే ఆఫ్లు ప్రకటించాయి. ఆర్థిక నిపుణుల అంచనా ప్రకారం ఈ ప్రణాళికలు త్వరలోనే సాంకేతిక రంగంలోని ఉద్యోగ మార్కెట్ స్వరూపాన్ని పూర్తిగా మార్చే అవకాశం ఉంది. అమెజాన్ వంటి పెద్ద సంస్థలే ఏఐలో పెట్టుబడులు పెంచుతున్నప్పటికీ, దాని ప్రభావం ఉద్యోగ అవకాశాలపై చూపుతోంది. వేలాదిమంది ఉద్యోగుల భవిష్యత్తుపై ఆందోళనను రేకెత్తించింది.
అమెజాన్ ఈసారి ఏ విభాగంలో లేఆఫ్లు ప్రకటించే అవకాశం ఉంది?
ఈసారి ప్రధానంగా హ్యూమన్ రిసోర్సెస్ (HR) విభాగంలో మరియు కంపెనీకి మద్దతు ఇచ్చే ఇతర విభాగాలలో లేఆఫ్లు ఉండవచ్చు.
ఈ లేఆఫ్లకు ముఖ్య కారణం ఏమిటి?
కంపెనీ ఖర్చులను తగ్గించుకోవాలని చూడటం, అలాగే ఆర్టిఫిషియల్ ఇంటెలిజెన్స్ (AI) ఉత్పత్తులలో భారీగా పెట్టుబడి పెట్టడం ప్రధాన కారణాలు.
Read hindi news : hindi.vaartha.com
Epaper : epapervaartha.com
Read Also: