భారత ఆటోమొబైల్ మార్కెట్లో అత్యంత ఆసక్తిగా ఎదురుచూస్తున్న నెక్స్ట్-జనరేషన్(Kia Seltos) కియా సెల్టోస్ ఎస్యూవీ అధికారికంగా విడుదలైంది. దీని ప్రారంభ ఎక్స్-షోరూమ్ ధరను రూ. 10.99 లక్షలుగా కియా ఇండియా ప్రకటించింది. ఇది కేవలం ఫేస్లిఫ్ట్ మోడల్ కాదు, డిజైన్, సైజ్, టెక్నాలజీ, భద్రత పరంగా సమూల మార్పులతో వచ్చిన పూర్తిస్థాయి కొత్త తరం వాహనం. ఈ ఎస్యూవీని ఆంధ్రప్రదేశ్లోని అనంతపురం ప్లాంట్లో తయారు చేస్తుండటం విశేషం.
కొత్త K3 ప్లాట్ఫామ్
కొత్త సెల్టోస్ను కియా యొక్క గ్లోబల్ K3 ప్లాట్ఫామ్పై నిర్మించారు. పాత మోడల్తో పోలిస్తే కొత్త సెల్టోస్ పొడవు 95 mm, వెడల్పు 30 mm, వీల్బేస్ 80 mm పెరిగింది. (Kia Seltos) దీని ‘ఆపోజిట్స్ యునైటెడ్’ డిజైన్ ఫిలాసఫీతో కొత్త సెల్టోస్ ఆకట్టుకుంటోంది. ముందు వైపు డిజిటల్ టైగర్ ఫేస్, ఐస్ క్యూబ్ (LED) హెడ్ల్యాంప్స్, స్టార్ మ్యాప్ LED DRLలు దీనికి ఆధునిక రూపాన్ని అందిస్తున్నాయి. వెనుకవైపు కనెక్టెడ్ LED టెయిల్ ల్యాంప్స్, కొత్త 18-అంగుళాల అల్లాయ్ వీల్స్ ప్రధాన ఆకర్షణగా నిలుస్తున్నాయి.
Read also: Deepinder Goyal: వైరల్ అవుతున్న జొమాటో సీఈఓ కామెంట్స్
నాలుగు ప్రధాన ట్రిమ్లతో పాటు, టాప్-స్పెక్ X-లైన్ ట్రిమ్
కారు లోపలి భాగంలో సరికొత్త 30-అంగుళాల ట్రినిటీ పనోరమిక్ డిస్ప్లే ఉంటాయి. ఇందులో 12.3-అంగుళాల డిజిటల్ ఇన్స్ట్రుమెంట్ క్లస్టర్, 12.3-అంగుళాల టచ్స్క్రీన్ ఇన్ఫోటైన్మెంట్ సిస్టమ్ కలిసి ఉంటాయి. డ్యూయల్-పేన్ పనోరమిక్ సన్రూఫ్, వెంటిలేటెడ్ ఫ్రంట్ సీట్లు, 10-వే పవర్డ్ డ్రైవర్ సీటు, వైర్లెస్ ఆండ్రాయిడ్ ఆటో/ఆపిల్ కార్ప్లే వంటి ప్రీమియం ఫీచర్లు ఇందులో ఉన్నాయి. ఇంజిన్ ఆప్షన్ల విషయానికొస్తే, ఇందులో మూడు రకాలు అందుబాటులో ఉన్నాయి.
1.5-లీటర్ న్యాచురల్లీ ఆస్పిరేటెడ్ పెట్రోల్ (115hp), 1.5-లీటర్ టర్బో-పెట్రోల్ (160hp), 1.5-లీటర్ డీజిల్ (116hp) ఇంజిన్లను ఎంచుకోవచ్చు. వేరియంట్ను బట్టి 6-స్పీడ్ మ్యాన్యువల్, 6-స్పీడ్ iMT, CVT, 7-స్పీడ్ DCT, 6-స్పీడ్ టార్క్ కన్వర్టర్ ఆటోమేటిక్ గేర్బాక్స్ ఆప్షన్లు లభిస్తాయి. కొత్త సెల్టోస్ HTE, HTK, HTX, GTX అనే నాలుగు ప్రధాన ట్రిమ్లతో పాటు, టాప్-స్పెక్ X-లైన్ ట్రిమ్లోనూ లభిస్తుంది. దీని ధరలు రూ. 10.99 లక్షల నుంచి ప్రారంభమై, టాప్-ఎండ్ టర్బో-పెట్రోల్, డీజిల్ ఆటోమేటిక్ వేరియంట్ల కోసం రూ. 19.99 లక్షల (ఎక్స్-షోరూమ్) వరకు ఉన్నాయి.
Read hindi news:hindi.vaartha.com
Epaper: epaper.vaartha.com