Karnataka-కర్ణాటకలోని మైసూరు జిల్లా హుణసూరు తాలూకా చిక్కహెజ్జూరు గ్రామంలో ఒక భయానక ఘటన వెలుగులోకి వచ్చింది. వన్యప్రాణుల దాడిలో మరణిస్తే ప్రభుత్వం ఇచ్చే పరిహారం దక్కుతుందన్న ఆశతో భార్య తన భర్తను కడతేర్చింది. ఆ తరువాత పులి దాడి కథను సృష్టించి అధికారులను తప్పుదోవ పట్టించే ప్రయత్నం చేసింది.
పోలీసులు బయటపెట్టిన అసలు నిజం
వివరాల ప్రకారం, వెంకటస్వామి (45), సల్లాపురి దంపతులు స్థానికంగా కూలీ పనులు చేస్తున్నారు. ఇటీవల గ్రామంలో పులి సంచరిస్తోందన్న వార్తలు రావడంతో సల్లాపురి దానిని తన ప్లాన్కు(Plan) ఉపయోగించుకుంది. సోమవారం తన భర్త కనిపించడం లేదని, పులి దాడి చేసి లాక్కెళ్లి ఉండవచ్చని ఆమె గ్రామస్తులకు తెలిపింది. దీంతో పోలీసులు, అటవీ అధికారులు గాలింపు చర్యలు చేపట్టినా, పులి జాడలు కనిపించలేదు. అనుమానం పెరగడంతో అధికారులు ఆమె ఇంటి పరిసరాలు పరిశీలించగా, వెనుక పేడకుప్పలో వెంకటస్వామి మృతదేహం దొరికింది.
హత్యకు కారణం మరియు నిందితురాలి ఒప్పుకోలు
అనుమానాల నేపథ్యంలో పోలీసులు సల్లాపురిని ప్రశ్నించగా, ఆమె చివరికి నేరాన్ని ఒప్పుకుంది. వన్యప్రాణుల దాడిలో చనిపోతే ప్రభుత్వం ₹15 లక్షల పరిహారం ఇస్తుందని విన్నానని, ఆ డబ్బు కోసం భర్తను విషం ఇచ్చి చంపి శవాన్ని దాచానని తెలిపింది. ఈ ఘటనపై హుణసూరు గ్రామీణ పోలీస్ స్టేషన్లో(Police station) కేసు నమోదు చేసి దర్యాప్తు చేస్తున్నారు.
నిందితురాలు హత్య ఎందుకు చేసింది?
వన్యప్రాణుల దాడిలో మరణిస్తే ప్రభుత్వం ఇచ్చే ₹15 లక్షల పరిహారం పొందాలనే ఉద్దేశంతో భర్తను హత్య చేసింది.
భర్తను ఎలా హత్య చేశారు?
ఆహారంలో విషం కలిపి చంపి, మృతదేహాన్ని ఇంటి వెనుక పేడకుప్పలో దాచింది.
Read hindi news: hindi.vaartha.com
Read also: Telugu News:
Asia Cup 2025- భారత్–పాకిస్థాన్ మ్యాచ్పై తీవ్ర వివాదం
