కర్ణాటక (Karnataka) రాజకీయాల్లో తరచూ చర్చకు వస్తున్న నాయకత్వ మార్పు అంశంపై డిప్యూటీ సీఎం డీకే శివకుమార్ మరోసారి స్పందించారు. తాను ఎప్పుడు ముఖ్యమంత్రి అవుతానన్న ప్రశ్నకు సమాధానంగా, అది కాలమే నిర్ణయిస్తుందని ఆయన వ్యాఖ్యానించారు. ఈ విషయంలో అనవసర ఊహాగానాలు అవసరం లేదని అన్నారు. రాష్ట్ర కాంగ్రెస్లో జరిగే అన్ని నిర్ణయాలు పార్టీ హైకమాండ్ పరిధిలోనే ఉంటాయని స్పష్టం చేశారు. హైకమాండ్ తీసుకునే ఏ నిర్ణయానికైనా తామంతా కట్టుబడి ఉంటామని వెల్లడించారు. ప్రస్తుతం ప్రభుత్వ పనితీరుపై, ప్రజలకు ఇచ్చిన హామీల అమలుపైనే తమ పూర్తి దృష్టి ఉందని డీకే శివకుమార్ తెలిపారు.
Read Also: Railways: UTS యాప్ సేవలు బంద్.. RailOne కి మారాలని కీలక సూచన
డీకేకు అవకాశం
గత అసెంబ్లీ ఎన్నికల తర్వాత కాంగ్రెస్ అధిష్ఠానం ఆయననే ముఖ్యమంత్రి సీట్లో కూర్చోబెడుతుందని అంతా భావించారు. అయితే, సీఎం సీటు కోసం పోటీపడ్డ సిద్ధరామయ్య వైపే కాంగ్రెస్ హైకమాండ్ మొగ్గుచూపింది. డీకే, సిద్ధరామయ్యలతో చర్చలు జరిపి వివాదం రేగకుండా సర్దిచెప్పింది. అప్పట్లో సీఎం సీటును డీకే, సిద్ధూ చెరో రెండున్నర సంవత్సరాలు పంచుకుంటారని, తొలుత సీఎం కుర్చీలో కూర్చున్న సిద్ధరామయ్య ఆ తర్వాత డీకేకు అవకాశం ఇస్తారని ప్రచారం జరిగింది.
Read hindi news: hindi.vaartha.com
Read Also Epaper : epaper.vaartha.com
Read Also: