Jio Tv Computer : ఇంట్లో ఉన్న టీవీనే కంప్యూటర్గా మార్చేస్తే ఎలా ఉంటుంది? అదే అనుభూతిని ఇవ్వడానికి రిలయన్స్ జియో (Jio Tv Computer) జియో పీసీ (JioPC) ని మార్కెట్లోకి తీసుకొచ్చింది. 48వ వార్షిక AGMలో ప్రకటించిన ఈ డివైస్ CPU లేకుండానే, మీ టీవీని AI రెడీ వర్చువల్ కంప్యూటర్గా మార్చేస్తుంది.
ఇక ప్రత్యేకంగా కంప్యూటర్ కొనాల్సిన అవసరం లేదు. జియో సెట్టాప్ బాక్స్, జియో ఫైబర్ లేదా జియో ఎయిర్ ఫైబర్ కనెక్షన్, కీబోర్డ్, మౌస్ ఉంటే చాలు – మీ టీవీ ఫుల్ కంప్యూటర్గా మారిపోతుంది. డాక్యుమెంట్లు క్రియేట్ చేయడం, ఆన్లైన్ క్లాసులు, డిజైన్ వర్క్, ప్రోగ్రామింగ్ అన్నీ టీవీ స్క్రీన్ మీదే సాధ్యమవుతాయి.
జియో పీసీ అంటే కేవలం కంప్యూటర్ కాదు. ఇది అందరికీ AI శక్తిని అందించే కొత్త వేదిక. ముందస్తు పెట్టుబడి లేకుండా, వాడినంతకే చెల్లించే మోడల్లో ఇది అందుబాటులో ఉంటుంది. విద్యార్థులు నుంచి ప్రొఫెషనల్స్ వరకు అందరికీ ఇది ఒక గేమ్ ఛేంజర్ అవుతుంది.
జియో పీసీ పూర్తిగా క్లౌడ్ ఆధారంగా నడుస్తుంది. అంటే CPU, స్టోరేజ్ అన్నీ మీ దగ్గర ఉండవు. అవన్నీ జియో సర్వర్లలో ఉంటాయి. మీరు స్క్రీన్, కీబోర్డ్, ఇంటర్నెట్ కనెక్ట్ చేస్తే చాలు. ఈ సిస్టమ్ ఎప్పటికప్పుడు అప్డేట్ అవుతూ, సెక్యూర్గా ఉంటుంది. అవసరమైతే స్టోరేజ్, మెమరీని పెంచుకునే సౌకర్యం కూడా ఉంది.
ప్లాన్లు :
జియో పీసీ నెలకు కేవలం రూ. 599 ప్లాన్ (8GB RAM, 100GB స్టోరేజ్) తో అందుబాటులోకి వచ్చింది. రెండు నెలలు, ఆరు నెలలు, ఒక ఏడాది ప్లాన్లు కూడా ఉన్నాయి. లాంగ్ టర్మ్ ప్లాన్లకు అదనంగా ఫ్రీ నెలలు కూడా ఇస్తున్నారు.
టెక్నికల్ డిటేల్స్ :
- 4-కోర్ CPU
- 8GB RAM
- 100GB క్లౌడ్ స్టోరేజ్
- Ubuntu OS
సాధారణ బ్రౌజింగ్ నుంచి డిజైన్ వర్క్, ప్రోగ్రామింగ్ వరకు ఈ సెటప్ సపోర్ట్ చేస్తుంది. త్వరలో AI టూల్స్, ప్రీ-లోడెడ్ అప్లికేషన్ లైబ్రరీ కూడా అందించనున్నారు.
లైఫ్ ఈజీ చేసే సొల్యూషన్
విద్యార్థులకు, వర్క్ ఫ్రం హోమ్ చేసేవారికి జియో పీసీ అసలు బంగారంలా ఉపయోగపడుతుంది. గ్రామాల్లో కూడా పిల్లలు ఆన్లైన్ క్లాసులు అటెండ్ అవ్వొచ్చు. ల్యాప్టాప్ కొనలేని వారు ఇప్పుడు టీవీ ద్వారా ప్రాజెక్టులు, కోడింగ్, ప్రెజెంటేషన్లు తయారు చేసుకోవచ్చు.
ప్రొఫెషనల్స్కి కూడా ఇది లైఫ్ ఈజీ చేసే సొల్యూషన్. ఫైళ్లు అన్నీ క్లౌడ్లో ఉండటంతో, ల్యాప్టాప్ క్రాష్ అయిందా, హార్డ్డ్రైవ్ పోయిందా అనే టెన్షన్ ఉండదు.
జియో పీసీతో కంప్యూటర్ అంటే ఇక CPU లేదా ల్యాప్టాప్ అనే లగ్జరీ కాదు. టీవీ ఉన్న ప్రతి ఇంట్లో కంప్యూటింగ్ శక్తి అందుబాటులోకి వస్తోంది. తక్కువ ఖర్చు, ఎక్కువ సౌలభ్యం – ఇదే రిలయన్స్ చూపిస్తున్న కొత్త దారి.
Read also :