IT hiring 2026 : ఐటీ రంగానికి ఈ ఏడాది ఊతం లభించే అవకాశాలు కనిపిస్తున్నాయి. గత కొంతకాలంగా లేఆఫ్లతో ఆందోళన నెలకొన్నప్పటికీ, 2026లో టెక్ నియామకాలు మళ్లీ వేగం పుంజుకోనున్నట్లు Adecco India వెల్లడించింది. 2025తో పోలిస్తే ఈ ఏడాది టెక్ ఉద్యోగాలు 12 నుంచి 15 శాతం వరకు పెరిగే అవకాశం ఉందని తెలిపింది. శాశ్వత, తాత్కాలిక, కాంట్రాక్టు ప్రాతిపదికన జరిగే నియామకాల ద్వారా దాదాపు 1.25 లక్షల మందికి కొత్త ఉద్యోగాలు లభిస్తాయని అంచనా వేసింది.
ఏఐ ప్రవేశంతో ఖర్చులు తగ్గించుకునే ప్రయత్నాల్లో భాగంగా గతంలో పెద్ద కంపెనీలు ఉద్యోగుల తొలగింపులకు పాల్పడ్డాయి. అయితే ప్రస్తుతం సంస్థలు (IT hiring 2026) తమ వ్యాపార వ్యూహాలను మార్చుకుంటూ, ఆర్టిఫిషియల్ ఇంటెలిజెన్స్, డేటా ఇంజినీరింగ్, సైబర్ సెక్యూరిటీ వంటి ఆధునిక సాంకేతికతలను విస్తృతంగా వినియోగించుకుంటున్నాయి. ఈ మార్పులే టెక్ నియామకాలకు కొత్త దారులు తెరుస్తున్నాయని అడెకో ఇండియా పేర్కొంది.
Read Also: Singareni Collieries: మీడియాకు సీఎం రేవంత్ రెడ్డి స్ట్రాంగ్ వార్నింగ్
ఈ అంశంపై అడెకో ఇండియా డైరెక్టర్, బిజినెస్ హెడ్ Sanket మాట్లాడుతూ—2023–24 మధ్య నెలకొన్న అనిశ్చితి అనంతరం ఏఐ ఇంజినీరింగ్, సైబర్ సెక్యూరిటీ, క్లౌడ్ ట్రాన్స్ఫర్మేషన్, డేటా ప్లాట్ఫాంల ఆధునికీకరణ వంటి విభాగాల్లో డిమాండ్ క్రమంగా పెరుగుతోందన్నారు. కంపెనీలు పునరుద్ధరణ దిశగా అడుగులు వేస్తూ, కొత్త నియామక ప్రక్రియలను ప్రారంభిస్తున్నాయని తెలిపారు.
51 శాతం పెరిగిన డిమాండ్
ప్రస్తుతం ఏఐ, డేటా, సైబర్ సెక్యూరిటీ టెక్నాలజీలు సంస్థలకు అత్యవసరంగా మారాయి. ఈ విభాగాల్లో డిమాండ్ 51 శాతం పెరిగిందని అడెకో ఇండియా వెల్లడించింది. దాదాపు 40 శాతం పెద్ద సంస్థలు ఇప్పటికే జనరేటివ్ ఏఐ ప్రాజెక్టులను అమలు చేస్తున్నాయి. గ్లోబల్ కేపబిలిటీ సెంటర్లు సైబర్ సెక్యూరిటీపై ఎక్కువ దృష్టి పెట్టగా, నాన్-టెక్ రంగాలు కూడా ఆటోమేషన్ కోసం భారీగా టెక్ సిబ్బందిని నియమించుకుంటున్నాయి.
అయితే ఉద్యోగాలు పెరుగుతున్నప్పటికీ, అవసరమైన నైపుణ్యాలున్న అభ్యర్థుల కొరత కొనసాగుతోంది. 2025 నాటికి స్కిల్ గ్యాప్ 44 శాతానికి చేరినట్లు అంచనా. ముఖ్యంగా ఏఐ, సైబర్ సెక్యూరిటీ, డేటా ఇంజినీరింగ్ రంగాల్లో 45 శాతం నైపుణ్య లోటు ఉంది. దీనివల్ల స్కిల్స్ ఉన్న అభ్యర్థులకు డిమాండ్ పెరిగి, వేతనాలు 2024తో పోలిస్తే సగటున 18 శాతం పెరిగాయి. బ్యాంకింగ్, ఫైనాన్స్, బీమా, లాజిస్టిక్స్, ఆరోగ్య సంరక్షణ, తయారీ రంగాల్లో టెక్ ఆధారిత నియామకాలు పెరగనున్నాయని, ఈ రంగాల వాటా మొత్తం టెక్ ఉద్యోగాల్లో 38 శాతం ఉంటుందని అడెకో ఇండియా తెలిపింది.
Read hindi news: hindi.vaartha.com
Epaper: epaper.vaartha.com
Read Also: