దుబాయ్ ఎయిర్ షోలో తేజస్–MK1 కూలిన ఘటనతో ఈ స్వదేశీ యుద్ధవిమానాల భద్రతపై చర్చ మొదలైంది. అర్జెంటీనా, ఈజిప్ట్, నైజీరియా, ఫిలిప్పీన్స్ వంటి దేశాలు తేజస్ కొనుగోలుపై ఆసక్తి చూపుతున్న వేళ ఈ ప్రమాదం చోటు చేసుకోవడం అనేక సందేహాలను తెప్పించింది.
తేజస్–MK1 2001లో తొలి టెస్ట్ ఫ్లైట్ చేసి ఇప్పటి వరకు దాదాపు 18 వేల ఫ్లైట్ అవర్స్ పూర్తి చేసింది. 24 ఏళ్ల వ్యవధిలో రెండు ప్రమాదాలే నమోదయ్యాయి. ఇది యుద్ధవిమానాల ప్రమాణాలతో పోలిస్తే పెద్ద సంఖ్య కాదు. ఉదాహరణకు ఎఫ్–16, రఫేల్ వంటి ప్రపంచ ప్రసిద్ధ యుద్ధవిమానాలు తొలి దశల్లో తేజస్ కంటే ఎక్కువ ప్రమాదాల రేటును నమోదు చేశాయి. పాకిస్థాన్ (pakistan) వాడుతున్న JF–17లు కూడా ఇప్పటి వరకు ఆరు ప్రమాదాలకు గురయ్యాయి.
Read also: RRB: Group-D అడ్మిట్ కార్డులు విడుదల
India’s Tejas Fighter Jet: How safe is our Tejas
తేజస్–MK1A సరఫరాలో ఆలస్యాలు
అయితే సమస్యలన్నీ గణాంకాల్లో మాత్రమే కాదు. హిందుస్థాన్ ఏరోనాటిక్స్ లిమిటెడ్ (HAL) తయారీపై వాయుసేనలో కొంత అసంతృప్తి ఉన్నట్టు గతంలోనే ఎయిర్ చీఫ్ వ్యాఖ్యలు స్పష్టం చేశాయి. తేజస్–MK1A సరఫరాలో ఆలస్యాలు, GE సంస్థ నుంచి ఇంజిన్ల లభ్యతలో జాప్యం, మిగ్ విమానాలను సేవల నుంచి తొలగించడం వల్ల స్క్వాడ్రన్ బలం తగ్గిపోయిన ప్రస్తుత పరిస్థితులు కలసి ఈ ప్రమాదం మరింత చర్చనీయాంశమైంది.
తేజస్కు ప్రపంచవ్యాప్తంగా ఉన్న ఆసక్తి తగ్గకుండా ఉండాలంటే తయారీ నాణ్యతను స్థిరంగా ఉంచడం, సమయానికి సరఫరాలు చేయడం, భద్రతా ప్రమాణాలను మరింతగా పెంపొందించడం కీలకమని నిపుణులు సూచిస్తున్నారు. ఈ ప్రమాదం తేజస్ నమ్మకాన్ని పెద్దగా దెబ్బతీయకపోయినా, HAL మరింత అప్రమత్తంగా ఉండాల్సిన అవసరం కనిపిస్తోంది.
Read hindi news : hindi.vaartha.com
Epaper : epapervaartha.com
Read Also:
