భారత రాజ్యాంగం పునాదులను కదిలించేలా కేంద్రం తెచ్చిన బిల్లుపై (AIMIM) నేత అసదుద్దీన్ ఒవైసీ (Asaduddin Owaisi) తీవ్రంగా స్పందించారు. ప్రధాని పదవిని రాష్ట్రపతి తొలగించగలరా అనే కీలక ప్రశ్నను ఆయన లేవనెత్తారు.కొత్తగా ప్రతిపాదించిన బిల్లులు రాజ్యాంగాన్ని తాకట్టు పెడుతున్నాయని ఒవైసీ మండిపడ్డారు. ఇవి మౌలిక హక్కులకు, ప్రజాస్వామ్యానికి వ్యతిరేకం, అని ఆయన అభిప్రాయపడ్డారు.రాజ్యాంగం ప్రకారం రాష్ట్రపతి మంత్రిమండలి సలహాపైనే నడవాలి. అలాంటప్పుడు… వారు స్వయంగా ప్రధాని పదవిని ఎత్తేయగలరా? అని ఒవైసీ నిలదీశారు. ఈ ప్రక్రియ రాజ్యాంగ విరుద్ధమని అన్నారు.ఈ బిల్లుల వల్ల రాష్ట్ర ప్రభుత్వాల స్వయం అధికారం ప్రమాదంలో పడుతుంది, అని ఆయన హెచ్చరించారు. కేంద్రం తలచుకుంటే మంత్రులను అరెస్ట్ (Ministers arrested) చేయగలదు. అప్పుడు రాష్ట్ర ప్రభుత్వాల భవితవ్యం ఏంటి? అని ప్రశ్నించారు. (Vaartha live news : Asaduddin Owaisi)
అరెస్టులతో ప్రభుత్వాలను కూలదోయాలనారా?
ఒవైసీ అభిప్రాయం ప్రకారం, ఇది కచ్చితంగా నిబంధనల ఉల్లంఘన. నలుగురు మంత్రులను అరెస్ట్ చేస్తే, ప్రభుత్వమే కూలిపోతుందన్న ధోరణి ప్రమాదకరం, అన్నారు.ఈ బిల్లుల వెనుక అసలు ఉద్దేశం ఏమిటో బహిరంగమైంది అని ఒవైసీ ఆరోపించారు. ఇది పోలీసు రాజ్యం ఏర్పాటుకు మొదటి అడుగు, అని విమర్శించారు.జ్యాంగంలోని కేంద్రం–రాష్ట్రాల అధికార విభజన సూత్రాన్ని ఈ బిల్లులు దెబ్బతీస్తున్నాయి, అని ఆయన వ్యాఖ్యానించారు. ఇది ప్రజలు ఎన్నుకున్న ప్రభుత్వాలపై దాడి అని అన్నారు.
బీజేపీకి నిజంగా నైతికత ఉంటే?
నైతిక విలువలు ఉంటే, అరెస్టైన నాయకులు బీజేపీలో చేరకూడదని చట్టం తెచ్చండి, అని ఒవైసీ బీజేపీకి సవాల్ విసిరారు. వారు అరెస్ట్ అయ్యాకే మీ పార్టీలో ఎందుకు చేరుతున్నారు? అని ప్రశ్నించారు.ఈ బిల్లుల దుష్పరిణామాలను చూస్తే, ప్రజాస్వామ్య స్వరూపమే ప్రశ్నార్థకం అవుతుందని ఒవైసీ వ్యాఖ్యానించారు. ఇది ప్రజల ఓటుకు, రాజ్యాంగ పునాదులకు తీవ్ర ప్రమాదం, అని స్పష్టం చేశారు.ఒవైసీ వ్యాఖ్యలు దేశవ్యాప్తంగా చర్చకు దారితీశాయి. ఇప్పుడు రాజ్యాంగాన్ని కాపాడాల్సిన సమయం. అధికార దుర్వినియోగాన్ని అడ్డుకోవాలి,అని ఆయన పిలుపునిచ్చారు.
Read Also :
