ఐబొమ్మ(IBOMMA) రవి కేసులో దర్యాప్తు ముందుకు సాగుతున్న కొద్దీ ఆశ్చర్యకరమైన వివరాలు బయటపడుతున్నాయి. రవికి దాదాపు రూ.300 కోట్లకు పైగా ఆస్తులు ఉన్నట్లు అధికారులు గుర్తించారు. ఇంత భారీ మొత్తాన్ని అతడు వివిధ డిజిటల్ వాలెట్లు, ఆన్లైన్ ప్లాట్ఫార్మ్లలో దాచిపెట్టినట్లు సమాచారం.
Read also : Banjara: బంజారా డిమాండ్ల సాధన కోసం 19, 20వ తేదీల్లో చలో ఢిల్లీ
‘కిక్’ కోసం హ్యాకింగ్ ప్రారంభించాడని
డబ్బు సంపాదన కోసం కాదు, మొదట ‘కిక్’ కోసం హ్యాకింగ్ ప్రారంభించాడని విచారణ అధికారులు తెలిపారు. ముఖ్యంగా, సినిమా థియేటర్లలో విడుదలకు ముందు కొత్త సినిమాలు చూడాలనే ఆసక్తితోనే రవి హ్యాకింగ్ ప్రపంచంలోకి అడుగుపెట్టినట్లు తెలుస్తోంది. ఆ తర్వాత అతని నైపుణ్యం పెరిగి, ప్రభుత్వ వెబ్సైట్లను కూడా హ్యాక్ చేసే స్థాయికి చేరుకున్నాడు. సైబర్ సెక్యూరిటీ అనలిస్ట్, ఎథికల్ హ్యాకర్గా మంచి పట్టు సాధించాడు.
కరీబియన్ దీవుల నుంచి ఐబొమ్మ
అతను కొంతకాలంగా కరీబియన్ దీవుల నుంచి ఐబొమ్మ వెబ్సైట్ను నిర్వహిస్తున్నాడని పోలీసులు గుర్తించారు. తాజాగా ఫ్రాన్స్ నుంచి హైదరాబాద్ కు చేరుకున్న సమాచారం రావడంతో, పోలీసులు ముందుగానే ప్లాన్ వేసి కూకట్పల్లిలో రవిని అరెస్ట్ చేశారు.
‘దేవుడు’ లాంటి వాడని కొందరు నెటిజన్లు
అయితే, రవికి సోషల్ మీడియాలో గణనీయమైన మద్దతు లభిస్తోంది. సినిమా టికెట్ల ధరలు పెరగడంతో పేద, మధ్యతరగతి ప్రేక్షకులు థియేటర్లకు వెళ్లలేకపోతున్నారని, అలాంటి వారికి రవి ‘దేవుడు’ లాంటి వాడని కొందరు నెటిజన్లు వ్యాఖ్యానిస్తున్నారు. టికెట్ ధరలు సామాన్యులకు అందుబాటులో ఉండేలా ఫిల్మ్ ఇండస్ట్రీ చర్యలు తీసుకోవాలని పలువురు సూచిస్తున్నారు.
Read hindi news: https://hindi.vaartha.com
Epaper : https://epaper.vaartha.com/
Read also :
