భారతదేశంలో రోడ్డు ప్రమాదాలు రోజురోజుకూ పెరుగుతుండటంతో, కేంద్ర ప్రభుత్వం ప్రమాదాలను తగ్గించేందుకు కీలక నిర్ణయం తీసుకుంది. నేషనల్ హైవే అథారిటీ ఆఫ్ ఇండియా (NHAI) కొత్త మార్గదర్శకాలను విడుదల చేసింది. ఇకపై, ఒక నిర్దిష్ట హైవే(Highway Safety) ప్రాంతంలో 500 మీటర్ల పరిధిలో ఏడాదిలో ఒకటి కంటే ఎక్కువ ప్రమాదాలు జరిగితే, ఆ రోడ్డును నిర్వహిస్తున్న కాంట్రాక్టర్పై రూ.25 లక్షల జరిమానా విధించనుంది. అదే ప్రదేశంలో మరుసటి ఏడాది కూడా ప్రమాదం జరిగితే, జరిమానా మొత్తాన్ని రూ.50 లక్షలకు పెంచనున్నారు.
Read also: Jagan: తుఫాన్ బాధిత రైతుల పట్ల జగన్ ఆప్యాయత!
ఈ చర్య ద్వారా ప్రభుత్వం రోడ్డు భద్రత పట్ల కాంట్రాక్టర్లు మరింత బాధ్యతాయుతంగా వ్యవహరించాలని లక్ష్యంగా పెట్టుకుంది.
BOT ప్రాజెక్టులకు కొత్త నియమాలు
Highway Safety: ప్రభుత్వం ఈ నియమాన్ని ముఖ్యంగా బిల్డ్-ఆపరేట్-ట్రాన్స్ఫర్ (BOT) విధానంలో నిర్మించే రహదారులకు వర్తింపజేయనుంది. ఈ మోడల్లో రహదారులను నిర్మించే కంపెనీలు మాత్రమే కాదు, వాటిని నిర్వహించే బాధ్యత కూడా తీసుకుంటాయి. అందువల్ల, రోడ్లపై భద్రతా ప్రమాణాలు పాటించకపోతే లేదా ప్రమాదాలు చోటుచేసుకుంటే, కాంట్రాక్టర్ నేరుగా బాధ్యత వహించాల్సి ఉంటుంది. అధికారులు పేర్కొన్నట్లుగా, రహదారులపై రక్షణ గోడలు, సైన్బోర్డులు, స్పీడ్ కంట్రోల్ సదుపాయాలు వంటి అంశాలపై కఠినంగా పర్యవేక్షణ జరగనుంది.
రోడ్డు భద్రతను మెరుగుపరచే దిశగా అడుగు
ఈ నిర్ణయం ద్వారా రోడ్డు ప్రమాదాల సంఖ్యను గణనీయంగా తగ్గించే అవకాశం ఉందని నిపుణులు భావిస్తున్నారు. కాంట్రాక్టర్లు భద్రతా ప్రమాణాలను ఖచ్చితంగా పాటించడం వల్ల, రోడ్ల నాణ్యత కూడా మెరుగుపడనుంది. రోడ్డు భద్రతా ప్రాజెక్టులపై ప్రత్యేక ఫండ్ కేటాయించి, ప్రజల ప్రాణ రక్షణను ప్రధాన లక్ష్యంగా పెట్టుకున్నట్లు అధికారులు తెలిపారు.
కొత్త జరిమానా నియమం ఎవరికి వర్తిస్తుంది?
BOT పద్ధతిలో రోడ్లను నిర్మించే కాంట్రాక్టర్లకు వర్తిస్తుంది.
ఏ పరిస్థితిలో జరిమానా విధిస్తారు?
ఒకే ప్రాంతంలో 500 మీటర్ల పరిధిలో ఏడాదిలో ఒకటి కంటే ఎక్కువ ప్రమాదాలు జరిగితే.
Read hindi news: hindi.vaartha.com
Epaper: epaper.vaartha.com/
Read Also: