బీహార్ రాష్ట్ర రాజకీయ చరిత్రలో ఈసారి జరిగిన అసెంబ్లీ ఎన్నికలు కొత్త రికార్డులు సృష్టించాయి. మొదటి విడత పోలింగ్లో 64.66 శాతం ఓటింగ్ నమోదవడం రాష్ట్ర ప్రజాస్వామ్య చైతన్యానికి నిదర్శనమని ఎన్నికల అధికారులు వెల్లడించారు. ఈ పోలింగ్ శాతం ఇప్పటివరకు నమోదైన అత్యధికం కావడం విశేషం. 1998 లోక్సభ ఎన్నికల్లో నమోదైన 64.6 శాతం రికార్డును బీహారీలు ఈసారి అధిగమించారు. రాష్ట్రవ్యాప్తంగా మహిళలు, యువత, వృద్ధులు భారీగా క్యూల్లో నిలబడి తమ ఓటు హక్కును వినియోగించుకోవడం గమనార్హం.
Latest News: T20 World Cup 2026: ఫైనల్ వేదిక ఫిక్స్..ఎక్కడంటే?
గత అసెంబ్లీ ఎన్నికల్లో 2020లో నమోదైన 57.29 శాతం పోలింగ్తో పోలిస్తే ఈసారి 7 శాతానికి పైగా అధికంగా ఓటింగ్ జరగడం రాజకీయ వర్గాల్లో చర్చనీయాంశంగా మారింది. ఈ పెరిగిన ఓటింగ్ శాతం ప్రజల్లో మార్పు కోరిక పెరిగిన సంకేతంగా విశ్లేషకులు భావిస్తున్నారు. ముఖ్యంగా గ్రామీణ ప్రాంతాల్లో మహిళలు సజావుగా ఓటు వేయడం, యువతలో రాజకీయ అవగాహన పెరగడం దీనికి ప్రధాన కారణాలుగా పేర్కొంటున్నారు. రాష్ట్రంలో అభివృద్ధి, ఉపాధి, విద్య, భద్రత అంశాలపై ఓటర్లు ప్రత్యేక శ్రద్ధ చూపినట్లు తెలుస్తోంది.
అయితే పెరిగిన ఓటింగ్ శాతం ఏ పార్టీకి అనుకూలంగా మారుతుందన్నది ఆసక్తికర అంశంగా నిలిచింది. జేడీయూ-బీజేపీ కూటమి పునరాగమనం సాధిస్తుందా, లేక రాష్ట్రీయ జనతాదళం (RJD) ఆధ్వర్యంలోని మహాఘఠ్బంధన్ సత్తా చాటుతుందా అన్న ప్రశ్నకు ఫలితాలదాకా వేచి చూడాల్సి ఉంది. మరోవైపు ఎన్నికల కమిషన్ ఈ భారీ ఓటింగ్ను ప్రశాంతంగా నిర్వహించినందుకు సిబ్బంది, భద్రతా బలగాలను అభినందించింది. ప్రజాస్వామ్య పండుగగా బీహార్ ప్రజలు ఈ ఎన్నికలను మార్చి చూపారని దేశవ్యాప్తంగా ప్రశంసలు వెల్లువెత్తుతున్నాయి.
Read hindi news: https://hindi.vaartha.com
Epaper : https://epaper.vaartha.com/
