దేశవ్యాప్తంగా మావోయిస్టుల లొంగుబాట్లు పెరుగుతున్న వేళ, మావోయిస్టు(Maoism) ఫస్ట్ బెటాలియన్ కమాండర్ హిడ్మా(Hidma) కూడా లొంగిపోవడానికి సిద్ధమవుతున్నాడని వార్తలు వెలువడుతున్నాయి. సుమారు 200 మంది మావోయిస్టులతో కలిసి సరెండర్ అయ్యే అవకాశముంది అని సమాచారం.
Read also: RRB: రైల్వేలో భారీ NTPC ఉద్యోగావకాశాలు
సుక్మా జిల్లాకు చెందిన హిడ్మా(Hidma), చిన్న వయసులోనే మావోయిస్టు ఉద్యమంలో చేరి, భద్రన్న, నంబాల, చలపతి వంటి అగ్రనేతలతో కలిసి పనిచేశాడు. అనేక దాడుల వ్యూహరచనలో కీలక పాత్ర పోషించిన హిడ్మా, భద్రతా బలగాలపై జరిగిన ప్రధాన దాడుల వెనుక ఉన్నాడని అధికారులు చెబుతున్నారు. కేంద్ర బలగాల అభిప్రాయం ప్రకారం, హిడ్మా లొంగిపోతే మావోయిస్టు ఉద్యమం తుదిదశకు చేరినట్లే.
చింతల్నారు నుంచి జీరం ఘాటీ దాడుల వరకు హిడ్మా పాత్ర
హిడ్మా పేరు చింతల్నారు ఘటన (76 మంది సీఆర్పీఎఫ్ జవాన్లు మరణించిన ఘటన) నుంచి జీరం ఘాటీ దాడి వరకు అనేక రక్తపాతం ఘటనల్లో వినిపించింది. కాంగ్రెస్ నేత మహేంద్ర కర్మ మరణానికి దారితీసిన దాడిని కూడా హిడ్మా పథకం ప్రకారం జరిపారని భద్రతా వర్గాలు చెబుతున్నాయి. ప్రస్తుతం హిడ్మా డీకేఎస్జడ్సీ కార్యదర్శిగా, కేంద్ర కమిటీ సభ్యునిగా ఉన్నాడు. పార్టీ భవిష్యత్తు హిడ్మా మరియు పోలిట్ బ్యూరో సభ్యుడు తిప్పిరి తిరుపతి (దేవ్జీ) లపై ఆధారపడి ఉందని తెలుస్తోంది.
తెలంగాణ సరిహద్దుల్లో చర్చలు, లొంగుబాటు సంకేతాలు
తాజాగా బస్తర్ పోలీసుల ఎదుట లొంగిపోయిన హిడ్మా అనుచరుడు లక్మూ, హిడ్మా ప్రస్తుతం తెలంగాణ సరిహద్దుల్లో ఉన్నట్లు తెలిపాడు. ఏప్రిల్లో జరిగిన కర్రెగుట్టల ఆపరేషన్లో తృటిలో తప్పించుకున్న హిడ్మా, ఇప్పుడు మరోసారి అదే ప్రాంతంలో ఉన్నట్లు సమాచారం. కేంద్ర బలగాలు హిడ్మాకు లొంగిపోవాలని సూచించినట్లు తెలుస్తోంది. భద్రతా వర్గాలు “ఆపరేషన్ కర్రెగుట్టలు” మళ్లీ ప్రారంభించే ముందు హిడ్మా తన సహచరులతో కలిసి లొంగిపోవాలని నిర్ణయించుకున్నట్లు ప్రచారం.
హిడ్మా ఎవరు?
మావోయిస్టుల ఫస్ట్ బెటాలియన్ కమాండర్, కేంద్ర కమిటీ సభ్యుడు.
ఆయన ఎక్కడి వ్యక్తి?
ఛత్తీస్గఢ్లోని సుక్మా జిల్లా.
హిడ్మా లొంగిపోతున్నాడా?
లొంగుబాటు పై చర్చలు కొనసాగుతున్నాయి; అధికారిక నిర్ధారణ లేదు.
Read hindi news: hindi.vaartha.com
Epaper : https://epaper.vaartha.com/
Read also :
