Global Oil Crisis 2026: అమెరికా, ఇజ్రాయెల్ మరియు ఇరాన్ మధ్య కొనసాగుతున్న యుద్ధ జ్వాలలు ఇప్పుడు సామాన్యుడి వంటింటి బడ్జెట్ను దహించివేసే స్థాయికి చేరుకున్నాయి. పశ్చిమాసియాలో ముదురుతున్న ఈ ఘర్షణలు కేవలం సైనిక చర్యలకే పరిమితం కాకుండా, ప్రపంచవ్యాప్త చమురు సంక్షోభానికి దారితీస్తున్నాయి. ముఖ్యంగా ప్రపంచ ముడి చమురు రవాణాలో 20 శాతం వాటా కలిగిన హార్ముజ్ జలసంధిని ఇరాన్ తన నియంత్రణలోకి తీసుకోవడం గ్లోబల్ మార్కెట్ను కుదిపేస్తోంది. సోమవారం ఒక్కరోజే బ్యారెల్ ముడి చమురు ధర 85 డాలర్ల నుండి 115 డాలర్లకు పెరగడం పరిస్థితి తీవ్రతకు అద్దం పడుతోంది. ఇదే పరిస్థితి కొనసాగితే బ్యారెల్ ధర 200 డాలర్లకు చేరినా ఆశ్చర్యపోనక్కర్లేదని ఆర్థిక నిపుణులు హెచ్చరిస్తున్నారు.
Read Also:Oil prices: జపాన్ లో ఆరు నెలలకు సరిపడా చమురు స్టాక్
భారత్ వద్ద నిల్వలు ఎంత? సామాన్యుడిపై పడే ప్రభావం ఏమిటి?
భారతదేశం తన చమురు అవసరాల కోసం 90 శాతం దిగుమతులపైనే ఆధారపడుతోంది. ప్రస్తుతం మన దేశం వద్ద సుమారు 4,000 కోట్ల లీటర్ల (250 మిలియన్ బ్యారెళ్లు) చమురు నిల్వలు ఉన్నాయి. ఇవి కేవలం 7 నుండి 8 వారాల అవసరాలకు మాత్రమే సరిపోతాయి. ముడి చమురు ధర పెరిగితే కేవలం పెట్రోల్, డీజిల్ ధరలే కాదు.. ప్లాస్టిక్, షాంపూలు, సౌందర్య సాధనాలు, మరియు అత్యవసర వైద్య పరికరాలైన హార్ట్ వాల్వ్స్, సిరంజిల ధరలు కూడా విపరీతంగా పెరుగుతాయి. దీనివల్ల నిత్యావసర వస్తువుల నుంచి ఆసుపత్రి బిల్లుల వరకు ప్రతిదీ సామాన్యుడికి భారంగా మారుతుంది.
1929 నాటి మహా మాంద్యం ముప్పు.. పరిష్కారం ఎక్కడ?
ప్రముఖ విశ్లేషక సంస్థ వుడ్ మెకెంజీ అంచనా ప్రకారం.. ఈ యుద్ధం ఇలాగే కొనసాగితే ప్రపంచం 1929 నాటి భయంకరమైన ఆర్థిక మాంద్యాన్ని మళ్లీ చూసే అవకాశం ఉంది. ఆనాడు అమెరికాలో మొదలైన సంక్షోభం కోట్లాది మందిని నిరుద్యోగులుగా మార్చినట్లుగానే, ఇప్పుడు చమురు సంక్షోభం ప్రపంచ ఆర్థిక వ్యవస్థను కుప్పకూల్చవచ్చు. అమెరికా ఆయుధ సంపత్తి ముందు ఇరాన్ సైనికంగా బలహీనపడినా, చమురు యుద్ధంలో మాత్రం ప్రపంచ మార్కెట్ను శాసిస్తోంది. ఈ ఆర్థిక ఒత్తిడిని గమనించే డొనాల్డ్ ట్రంప్ వంటి నేతలు యుద్ధం త్వరగా ముగియాలని కోరుకుంటున్నారు. యుద్ధం ఆగిపోవడమే ప్రస్తుతం ప్రపంచ దేశాల ముందున్న ఏకైక మార్గం.
Read hindi news: hindi.vaartha.com
Epaper: epaper.vaartha.com
Read Also: