రాజస్థాన్ రాష్ట్రంలో జరిగిన ఒక భయంకర ప్రమాదం ప్రజల్లో తీవ్ర భయాందోళనకు గురిచేసింది. జైపూర్–అజ్మీర్ హైవేపై గ్యాస్ సిలిండర్లను మోసుకెళ్తున్న ట్రక్కు బోల్తా (Gas Cylinder Truck Accident) పడడంతో భారీ పేలుళ్లు సంభవించాయి. మరో ట్రక్కు వెనుకనుంచి ఢీకొట్టడంతో ఈ ప్రమాదం చోటుచేసుకుంది. ఢీకొన్న సమయంలోనే ట్రక్కులో ఉన్న గ్యాస్ సిలిండర్లు ఒక్కొక్కటిగా పేలిపోవడం ప్రారంభమైంది. ఈ క్రమంలో మంటలు హైవే పక్కన ఉన్న ప్రదేశాలకు వ్యాపించాయి. స్థానికులు భయంతో పరుగులు తీశారు. అయితే అదృష్టవశాత్తూ ఎలాంటి ప్రాణనష్టం జరగలేదని అధికారులు వెల్లడించారు.
Adulterated Liquor : కల్తీ మద్యం వెనుక ఉన్నదంతా బాబు అండ్ గ్యాంగే: జగన్
ప్రమాదం సంభవించిన వెంటనే ఫైర్ సిబ్బంది సంఘటనా స్థలానికి చేరుకొని, మంటలను అదుపులోకి తెచ్చేందుకు గంటల పాటు శ్రమించారు. గ్యాస్ సిలిండర్ల పేలుళ్ల కారణంగా హైవేపై వాహన రాకపోకలను తాత్కాలికంగా నిలిపివేశారు. పోలీసు, విపత్తు నిర్వహణ బృందాలు పరిస్థితిని నియంత్రించడానికి కఠిన చర్యలు తీసుకున్నాయి. అధికారులు ట్రక్కు డ్రైవర్ను గుర్తించడానికి ప్రయత్నిస్తున్నారు, కానీ ఇప్పటివరకు అతని వివరాలు లభించలేదని తెలిపారు. సంఘటన సమయంలో మంటలు ఎంతగానో వ్యాపించినప్పటికీ, ఫైర్ సిబ్బంది తక్షణ చర్యల వల్ల పెద్ద నష్టం తప్పిందని అధికార వర్గాలు పేర్కొన్నాయి.
రాజస్థాన్ ముఖ్యమంత్రి భజన్లాల్ శర్మ ఈ ఘటనపై వెంటనే సమగ్ర నివేదిక కోరారు. అలాగే డిప్యూటీ సీఎం ప్రేమ్ చంద్ స్వయంగా ఘటనా స్థలాన్ని సందర్శించి పరిస్థితిని పరిశీలించారు. ఆయన మాట్లాడుతూ, “ఎలాంటి మరణాలు జరగకపోవడం సంతోషకరం. అయితే ప్రమాదానికి కారణాలను పూర్తిగా విచారించి, భవిష్యత్తులో ఇలాంటి ఘటనలు పునరావృతం కాకుండా చర్యలు తీసుకుంటాం” అని చెప్పారు. హైవేపై రవాణా భద్రత, సిలిండర్ రవాణా నియమాలు, ట్రక్ నిర్వహణ పద్ధతులపై మరోసారి దృష్టి సారించాలని రాష్ట్ర ప్రభుత్వం నిర్ణయించింది. ఈ ప్రమాదం గ్యాస్ రవాణా భద్రతపై మరలా చర్చను రేకెత్తించింది.
Read hindi news: https://hindi.vaartha.com
Epaper : https://epaper.vaartha.com/