Tamilnadu Assembly Elections 2026: తమిళనాడులో అసెంబ్లీ ఎన్నికల వేడి మొదలవుతున్న తరుణంలో, రాష్ట్ర ఎన్నికల సంఘం ఓటర్ల జాబితా ప్రక్షాళన ప్రక్రియను విజయవంతంగా పూర్తి చేసింది. కేంద్ర ఎన్నికల సంఘం ఆదేశాల మేరకు చేపట్టిన ప్రత్యేక సమగ్ర సవరణ అనంతరం, రాష్ట్ర ఎన్నికల ప్రధాన అధికారి అర్చనా పట్నాయక్ ఈరోజు అధికారికంగా తుది జాబితాను విడుదల చేశారు. ఎన్నికలకు ముందు ఓటర్ల జాబితాలో పారదర్శకతను పెంచేందుకు ఈ చర్యలు తీసుకున్నట్లు ఆమె పేర్కొన్నారు.
Read also: Haleem: రంజాన్ సీజన్లో శక్తినిచ్చే సంపూర్ణ పోషకాహారం
రికార్డు స్థాయిలో 74 లక్షల ఓట్ల తొలగింపు
తాజా జాబితా ప్రకారం రాష్ట్రంలో మొత్తం ఓటర్ల సంఖ్య 5.67 కోట్లుగా నమోదైంది. గతంలో ఉన్న 6.41 కోట్ల ఓటర్లతో పోలిస్తే, ఈ ప్రక్షాళనలో ఏకంగా 74 లక్షల మంది ఓటర్లను జాబితా నుంచి తొలగించడం గమనార్హం. డూప్లికేట్ ఓట్లు, మరణించిన వారి పేర్లు, నివాసం మారుతున్న వారి వివరాలను క్షుణ్ణంగా వెరిఫై చేసిన తర్వాతే ఈ భారీ తొలగింపులు చేపట్టినట్లు అధికారులు వెల్లడించారు.
లింగ నిష్పత్తి పరంగా చూస్తే ఈసారి కూడా తమిళనాడులో మహిళా ఓటర్లే ఆధిపత్యం ప్రదర్శిస్తున్నారు. మొత్తం 5,67,07,380 మంది ఓటర్లలో 2.89 కోట్ల మంది మహిళలు ఉండగా, 2.77 కోట్ల మంది పురుషులు, 7,617 మంది ట్రాన్స్జెండర్లు ఉన్నారు. డిసెంబర్ 19 నుంచి జనవరి 30 వరకు వచ్చిన లక్షలాది అప్లికేషన్లను పరిశీలించి, అర్హులైన కొత్త ఓటర్లను కూడా జాబితాలో చేర్చారు. ఈ వేసవిలో జరగబోయే ఎన్నికల కోసం ఈ జాబితానే కీలకం కానుంది.
Read hindi news: hindi.vaartha.com
Epaper: epaper.vaartha.com
Read also: