ప్రతీ రైలులో మీరు గమనించే ఒక ముఖ్యమైన సూచన — “అత్యవసర పరిస్థితుల్లో చైన్ లాగండి”. ఇది సాధారణంగా ప్రతి కోచ్లో పైభాగంలో ఎరుపు రంగులో కనిపించే చైన్(Emergency chain). ప్రమాదం, అనుకోని పరిస్థితి, లేదా ప్రయాణికుల భద్రతకు ముప్పు తలెత్తినప్పుడు రైలును వెంటనే ఆపేందుకు ఇది ఉపయోగపడుతుంది. ఇది ప్రయాణికుల నుంచి రైలు డ్రైవర్ (లోకో పైలట్) కు అత్యవసర సంకేతం పంపే వ్యవస్థగా పనిచేస్తుంది.
Read also: AP Weather Alert:– వచ్చే మూడు రోజులు ఉరుములు, మెరుపులతో వర్షాలు
చైన్ లాగినప్పుడు జరిగేది ఏమిటి?
ప్రతి కోచ్లో ఉండే ఈ చైన్ నేరుగా బ్రేక్ వ్యవస్థతో కలిపి ఉంటుంది. ఎవరైనా చైన్(Emergency chain). లాగిన వెంటనే ఆ కోచ్లోని బ్రేక్ ఎయిర్ పైప్ వాల్వ్(Brake air pipe valve) తెరుచుకుంటుంది. దాంతో గాలి ఒత్తిడి (ఎయిర్ ప్రెషర్) తగ్గిపోతుంది, ఫలితంగా రైలు ఇంజిన్ క్యాబిన్లో అలారం మోగుతుంది. లోకో పైలట్ వెంటనే పరిస్థితిని గుర్తించి మూడు సార్లు హారన్ మోగించి రైలును ఆపేస్తాడు. ఆ తర్వాత గార్డు లేదా సెక్యూరిటీ సిబ్బంది సంబంధిత కోచ్ వద్దకు వెళ్లి చైన్ లాగిన కారణాన్ని తెలుసుకుంటారు.
ఎప్పుడు చైన్ లాగాలి?
- కోచ్లో మంటలు చెలరేగినప్పుడు
- ప్రయాణికుడు అనుకోకుండా రైలులో నుంచి పడిపోతే
- ప్రమాదం లేదా ఇతర అత్యవసర పరిస్థితి తలెత్తినప్పుడు
ఇలాంటి సందర్భాల్లో మాత్రమే చైన్ లాగడం సముచితం.
దుర్వినియోగం చేస్తే జరిమానా
ప్రాముఖ్యత లేని కారణాలతో లేదా సరదాగా చైన్ లాగడం నేరం. ఇలాంటి సందర్భాల్లో రూ.1,000 వరకు జరిమానా లేదా జైలుశిక్ష లేదా రెండూ విధించబడతాయి.
రైలులో చైన్ లాగితే రైలు వెంటనే ఆగుతుందా?
అవును, చైన్ లాగిన వెంటనే బ్రేక్ సిస్టమ్ ప్రభావంతో రైలు కొద్ది సేపట్లో ఆగుతుంది.
చైన్ లాగిన వెంటనే డ్రైవర్కు ఎలా తెలుస్తుంది?
చైన్ లాగినప్పుడు ఎయిర్ ప్రెషర్ తగ్గి, ఇంజిన్ క్యాబిన్లో అలారం మోగుతుంది.
Read hindi news: hindi.vaartha.com
Epaper : https://epaper.vaartha.com/
Read Also:
