న్యూఢిల్లీ: దేశవ్యాప్తంగా ఓటర్ల జాబితాలో సమగ్రతను పెంచే లక్ష్యంతో, కేంద్ర ఎన్నికల(Election) సంఘం (ఈసీఐ) ఎస్ఐఆర్ (స్పెషల్ సమ్మరీ రివిజన్) రెండో దశను ప్రకటించింది. ఈ ప్రక్రియను మరో 12 రాష్ట్రాలు మరియు కేంద్ర పాలిత ప్రాంతాల్లో నిర్వహించనున్నట్లు ప్రధాన ఎన్నికల కమిషనర్ జ్ఞానేశ్ కుమార్(Gyanesh Kumar) సోమవారం తెలిపారు. ఎన్నికలకు ముందు ఓటర్ల జాబితా సవరణ తప్పనిసరి అని ఈ సందర్భంగా ఆయన స్పష్టం చేశారు.
Read Also: Rain Alert: రేపు ఎల్లుండి ఆంధ్రాకు భారీ వర్షాలు
ఎస్ఐఆర్ లక్ష్యాలు, బీహార్లో విజయం
ఎస్ఐఆర్ ప్రక్రియ ద్వారా ఓటర్ల జాబితా నుంచి నకిలీ ఓట్లు, అక్రమ వలసదారులు, చనిపోయిన, బదిలీ చేయబడిన ఓటర్లను తొలగిస్తారు. 1951 నుంచి 2004 వరకు ఈ ప్రక్రియను ఎనిమిదిసార్లు నిర్వహించగా, 21 ఏళ్ల తర్వాత మళ్లీ చేపట్టారు. బీహార్లో 7.5 కోట్ల మందితో ఎస్ఐఆర్ విజయవంతంగా పూర్తయిందని, దీనిపై ఎవరూ అభ్యంతరాలు చెప్పలేదని జ్ఞానేశ్ కుమార్ తెలిపారు. రెండో దశలోనూ ప్రతి ఇంటికి మూడుసార్లు వెళ్లి ఓటరుపై నిర్ధారణ చేసుకుంటామని, ఎస్ఐఆర్పై రాజకీయ అవగాహన కల్పిస్తామని ఆయన అన్నారు.
రెండో దశ రాష్ట్రాలు, షెడ్యూల్
రెండో దశ ప్రత్యేక సమగ్ర సవరణ జరగనున్న రాష్ట్రాలు/కేంద్రపాలిత ప్రాంతాలు:
- అండమాన్ నికోబర్
- ఛత్తీస్గఢ్
- గోవా
- గుజరాత్
- కేరళ
- లక్షద్వీప్
- మధ్యప్రదేశ్
- పుదుచ్చేరి
- రాజస్థాన్
- తమిళనాడు
- ఉత్తర ప్రదేశ్
- పశ్చిమ బెంగాల్
ఈ రెండో దశ ఎస్ఐఆర్ నవంబర్ 4వ తేదీ నుంచి ప్రారంభమవుతుందని, ఈ ప్రాంతాల్లో 51 కోట్లకు పైగా ఓటర్లు ఉన్నారని అధికారులు తెలిపారు. అసోంలో ఎన్ఆర్సీ ఉన్నందున అక్కడ ఎస్ఐఆర్ నిర్వహించడం లేదని ఈసీఐ స్పష్టం చేసింది.
ఎస్ఐఆర్ అంటే ఏమిటి?
ఎస్ఐఆర్ (స్పెషల్ సమ్మరీ రివిజన్) అనేది ఓటర్ల జాబితాను ప్రత్యేకంగా సమగ్రంగా సవరించే ప్రక్రియ.
ఎస్ఐఆర్ రెండో దశ ఎప్పుడు ప్రారంభమవుతుంది?
నవంబర్ 4వ తేదీ నుంచి రెండో దశ ఎస్ఐఆర్ ప్రారంభమవుతుంది.
Read hindi news : hindi.vaartha.com
Epaper : epapervaartha.com
Read Also:
