దేశపు గౌరవనీయ రాష్ట్రపతి శ్రీమతి ద్రౌపది ముర్ము (Droupadi Murmu) తన జన్మదినోత్సవాన్ని ఈసారి మరపురాని సంఘటనల మధ్య గడిపారు. ఉతరాఖండ్ రాష్ట్ర రాజధాని దెహ్రాదూన్ (Dehradun) లో మూడు రోజుల పర్యటనలో ఉన్న ఆమె, తన పుట్టినరోజు నాడు అంధుల పాఠశాలలో ఏర్పాటు చేసిన ప్రత్యేక కార్యక్రమంలో పాల్గొన్నారు. ఈ సందర్భంగా అంధ విద్యార్థులు ఆలపించిన భావోద్వేగభరిత గీతాలు రాష్ట్రపతిని ఎంతో చలించించాయి.
చిన్నారుల గానం – మానవత్వానికి ప్రతిరూపం
అంధ విద్యార్థులు కేవలం గానం మాత్రమే కాకుండా, చిన్నారుల నిష్కల్మషమైన ప్రేమ, వారి గాన మాధుర్యానికి రాష్ట్రపతి ద్రౌపది ముర్ము చలించిపోయారు. వారి ప్రదర్శన సమయంలో ఆమె భావోద్వేగాన్ని ఆపుకోలేక కన్నీటి పర్యంతమయ్యారు.
వైరల్ అవుతున్న వీడియోలు
ఈ భావోద్వేగ క్షణాన్ని చిత్రీకరించిన వీడియోలు ప్రస్తుతం సోషల్ మీడియాలో విస్తృతంగా ఈ అపురూప దృశ్యాలు ప్రస్తుతం సామాజిక మాధ్యమాల్లో వైరల్ అవుతున్నాయి.
రాష్ట్రపతి స్పందన – “ఇది నా జీవితంలో మరిచిపోలేని క్షణం”
అనంతరం మాట్లాడిన రాష్ట్రపతి ద్రౌపది ముర్ము, తన ప్రజా జీవితంలో ఇది అత్యంత హత్తుకున్న క్షణాలలో ఒకటని పేర్కొన్నారు. “కల్మషం లేని ఈ చిన్నారుల స్వరం, వారిలోని అంతర్గత బలం, స్ఫూర్తి మన భారతదేశ నిజమైన ఆత్మను ప్రతిబింబిస్తున్నాయి” అని ఆమె వ్యాఖ్యానించారు. విద్యార్థుల ప్రతిభను, వారి ఆత్మవిశ్వాసాన్ని ఆమె ప్రశంసించారు. ఈ సంఘటనకు సంబంధించిన వీడియో సామాజిక మాధ్యమాల్లో వైరల్గా మారింది. నెటిజన్లు రాష్ట్రపతి నిరాడంబరతను, చిన్నారుల ప్రతిభను కొనియాడుతున్నారు
మనసుని తాకిన జన్మదిన వేడుక
ఈ కార్యక్రమం ద్వారా రాష్ట్రపతికి జన్మదినం ఒక ప్రత్యేక ఘట్టంగా మారింది. అధిక పదవిలో ఉన్నప్పటికీ, ఆమెలోని మానవతా విలువలు, సహానుభూతి, వినయాన్ని ఈ సంఘటన మరోసారి రుజువు చేసింది.
Read also: Droupadi Murmu: రాష్ట్రపతికి జన్మదిన శుభాకాంక్షలు తెలిపిన ప్రధాని మోదీ