వక్ఫ్ సవరణ చట్టం–2025 ఇప్పటి నుంచి అధికారికంగా అమల్లోకి వచ్చేసింది.ఇటీవల పార్లమెంట్లో ఆమోదం పొందిన ఈ బిల్లుకు రాష్ట్రపతి ద్రౌపది ముర్ము సంతకం చేసి చట్టంగా ముద్రవేశారు.ఇక కేంద్ర ప్రభుత్వం ఈ చట్టాన్ని అమల్లోకి తేనున్నట్లు నోటిఫికేషన్ జారీ చేసి స్పష్టత ఇచ్చింది.ఇప్పటి నుంచి వక్ఫ్ సవరణ చట్టం దేశవ్యాప్తంగా అమలులో ఉంటుంది.ఈ కొత్త చట్టం కొన్ని కీలక మార్పులతో కూడి ఉండగా, ఇప్పటికే ఇది రాజకీయ వర్గాల్లోనూ, ముస్లిం మత సంస్థలలోనూ పెద్ద చర్చనీయాంశంగా మారింది.ఈ చట్టానికి వ్యతిరేకంగా ఇప్పటికే కొన్ని రాజకీయ పార్టీలు, ముస్లిం సంఘాలు న్యాయపరంగా పోరాటానికి దిగాయి.ముఖ్యంగా కాంగ్రెస్ పార్టీ, మజ్లిస్ పార్టీకి చెందిన ఎంపీలు, ముస్లిం మత సంఘాల ప్రతినిధులుSupreme Courtను ఆశ్రయించారు.ఇప్పటివరకు దాదాపు 15 పిటిషన్లు సుప్రీంకోర్టులో దాఖలయ్యాయి.ఈ పిటిషన్లన్నింటినీ ఒకటిగా కలిపి విచారణకు తీసుకుంటామని సుప్రీంకోర్టు ప్రకటించింది. ఈ నెల 16న ఈ కేసులపై విచారణ జరగనుంది.చట్టబద్ధత, మతస్వేచ్ఛపై ప్రభావం వంటి అంశాలపై వాదనలు కొనసాగనున్నాయి.
కేంద్రం కోర్టులోకి కేవియట్ పిటిషన్
ఇక మరోవైపు, కేంద్ర ప్రభుత్వం కూడా ముందస్తుగా జాగ్రత్తలు తీసుకుంది. ఎలాంటి వెనుకంజ లేకుండా కేవియట్ పిటిషన్ దాఖలు చేసింది. తమ అభిప్రాయాలు వినకుండా ఎలాంటి తాత్కాలిక ఆదేశాలు జారీ చేయవద్దని కోరింది.ఈ దశలో సుప్రీంకోర్టు తీర్పు ఎంత ముఖ్యమవుతుందో స్పష్టంగా అర్థమవుతోంది. ఎందుకంటే ఇది మత సంస్థల ఆస్తుల పరిరక్షణ, నిర్వహణపై కీలక ప్రభావం చూపించనుంది.
వక్ఫ్ చట్ట సవరణపై విభిన్న అభిప్రాయాలు
కొంతమంది ఈ చట్టాన్ని ముస్లింల హక్కులకు భంగంగా చూస్తున్నారు. మరికొందరు మాత్రం ఇది వక్ఫ్ ఆస్తుల పరిరక్షణకు ఉపయోగపడుతుందంటున్నారు. అయినా సరే, వాస్తవ పరిణామాలు చట్టాన్ని ఎలా ప్రభావితం చేస్తాయో సమయం చెప్పాలి.వక్ఫ్ చట్టం మార్పులు, సవరణలపై దేశ వ్యాప్తంగా రాజకీయంగా, మతపరంగా చర్చ కొనసాగుతోంది. ఈ పరిణామాలన్నీ అత్యున్నత న్యాయస్థాన విచారణ తర్వాతే తేలనున్నాయి.
READ ALLSO :Sheikh Hasina : త్వరలోనే తిరిగి బంగ్లాదేశ్కి వస్తాను : మాజీ ప్రధాని షేక్ హసీనా