Delhi Liquor Scam: ఢిల్లీ మద్యం పాలసీ ప్రకరణంలో సోమవారం నాడు కీలక మలుపు తిరిగింది. ఈ కేసులో ఆరోపణలు ఎదుర్కొంటున్న ఢిల్లీ మాజీ ముఖ్యమంత్రి అరవింద్ కేజ్రీవాల్, బీఆర్ఎస్ నేత కవిత, మనీశ్ సిసోడియాతో పాటు మిగిలిన 23 మంది నిందితులకు ఢిల్లీ హైకోర్టు నోటీసులు జారీ చేసింది. గతంలో రౌస్ ఎవెన్యూ కోర్టు నిందితులకు ఊరటనిస్తూ ఇచ్చిన తీర్పును సవాలు చేస్తూ సిబిఐ (CBI) దాఖలు చేసిన పిటిషన్ విచారణ సందర్భంగా కోర్టు ఈ నిర్ణయం తీసుకుంది.
Read Also:Union Budget 2nd phase:ప్రజాస్వామ్యాన్ని ఖూనీ చేస్తున్నారంటూ ఎంపీల ధర్నా!
రౌస్ ఎవెన్యూ కోర్టు తీర్పుపై స్టే
రౌస్ ఎవెన్యూ ప్రత్యేక కోర్టు నిందితులకు క్లీన్ చిట్ ఇవ్వడమే కాకుండా, దర్యాప్తు సంస్థల పనితీరుపై కొన్ని తీవ్రమైన వ్యాఖ్యలు చేసింది. అయితే, ఈ వ్యాఖ్యలపై ఢిల్లీ హైకోర్టు ప్రస్తుతం స్టే విధిస్తూ ఉత్తర్వులు జారీ చేసింది. సీబీఐ వాదనలను పరిగణనలోకి తీసుకున్న ఉన్నత న్యాయస్థానం, నిందితులందరికీ ఈ వ్యవహారంపై తమ వివరణ ఇవ్వాలని ఆదేశించింది. దీనివల్ల నిందితులకు లభించిన తాత్కాలిక ఊరటపై నీలినీడలు కమ్ముకున్నాయి.
సీబీఐ పిటిషన్తో మళ్లీ మొదలైన విచారణ
మరోవైపు, ఈడీ (ED) దాఖలు చేసిన కేసు విచారణను కూడా ప్రస్తుతానికి వాయిదా వేయాలని ట్రయల్ కోర్టుకు హైకోర్టు సూచించింది. తదుపరి విచారణను వారం రోజుల పాటు వాయిదా వేస్తూ, వచ్చే సోమవారం నాడు ఈ పిటిషన్పై మరోసారి విచారణ చేపట్టనున్నట్లు ధర్మాసనం వెల్లడించింది. ఈ పరిణామం ఢిల్లీ లిక్కర్ స్కామ్ కేసులో మళ్లీ ఉత్కంఠను రేకెత్తిస్తోంది.
Read hindi news: hindi.vaartha.com
Epaper: epaper.vaartha.com
Read Also: