దేశ భద్రతను కాపాడడంలో కీలక పాత్ర పోషించే సెంట్రల్ రిజర్వ్ పోలీస్ ఫోర్స్ (CRPF) తాజాగా ఒక కీలక హెచ్చరికను జారీ చేసింది. వారి సిబ్బందిని లక్ష్యంగా చేసుకుని రూపొందించిన నకిలీ మొబైల్ యాప్ (Fake mobile app) గురించి ఇది. ఈ యాప్ పేరు ‘సంభవ్ అప్లికేషన్ రైటర్’, ఇది అసలు అధికారిక యాప్ను పోలి కనిపిస్తూ, జవాన్ల సమాచారం దొంగిలించడానికి ఉపయోగపడుతుంది.CRPF IT విభాగం విడుదల చేసిన ప్రకటన ప్రకారం, ఈ ఫేక్ యాప్ ద్వారా సిబ్బంది వ్యక్తిగత, విధి సంబంధిత సమాచారం దొంగిలించే ప్రమాదం ఉంది. ఇది అధిక శాతం వాట్సాప్, యూట్యూబ్ వేదికలపై ప్రచారం అవుతోంది. ప్రజలను మోసం చేస్తూ, ఇది అధికారిక అప్లికేషన్ అని నమ్మిస్తోంది.
ఫోర్స్ ఐడీ, యూనిట్ వివరాలు అడుగుతోంది!
ఈ యాప్ ఉపయోగించాలంటే ఫోర్స్ ఐడీ, యూనిట్ పేరు, ఇతర సున్నితమైన వివరాలు ఇవ్వాలని కోరుతోంది. నిజానికి, ఇవి దేశ భద్రతకు చాలా కీలకం. ఇలాంటి సమాచారం దొంగిలించబడితే ఆపరేషనల్ సెక్యూరిటీకి గంభీరమైన ముప్పు ఎదురవుతుంది.
అసలు యాప్ vs ఫేక్ యాప్
అధికారికంగా ఉన్న ‘CRPF సంభవ్’ యాప్ ద్వారా జవాన్లు తాము:
జీతభత్యాలు.
సెలవుల వివరాలు.
బదిలీల అర్హత.
వంటి విషయాలను తెలుసుకోవచ్చు. కానీ ‘సంభవ్ అప్లికేషన్ రైటర్’ అనే నకిలీ యాప్ మాత్రం సేమ్ ఫీచర్లు ఉన్నట్లు నటిస్తూ, లోపలికి చొరబడి సెన్సిటివ్ డేటాను దొంగిలిస్తుంది.ఈ వ్యవహారాన్ని చాలా సీరియస్గా తీసుకున్న CRPF, ఫేక్ యాప్ను గూగుల్ ప్లే స్టోర్ వంటి ప్లాట్ఫామ్ల నుంచి తొలగించాలంటూ సైబర్ భద్రతా సంస్థలకు నివేదించింది. అన్ని యూనిట్ల కమాండర్లకు స్పష్టమైన ఆదేశాలు.రోల్ కాల్ సమయంలో ప్రతి జవాన్కి అవగాహన కల్పించాలని సూచన.ఉదయం, సాయంత్రం జరగే సమావేశాల్లో ఈ విషయాన్ని తప్పనిసరిగా తెలియజేయాలని సూచించబడింది
ఎందుకు ఇది దేశ భద్రతకు ముప్పు?
CRPF సిబ్బంది నక్సల్స్ వ్యతిరేకం, ఉగ్రవాద నిరోధక ఆపరేషన్లు నిర్వహిస్తున్నారు. వారు ఉపయోగించే సమాచారమంతా సెన్సిటివ్. అలాంటి డేటా అనధికారికంగా బయటకు వెళితే, దేశ భద్రతకే డైరెక్ట్గా ముప్పు ఏర్పడుతుంది.CRPF సిబ్బంది మాత్రమే కాదు, ఇతర రక్షణ సంస్థల సిబ్బంది కూడా అప్రమత్తంగా ఉండాలి. మీరు ఉపయోగిస్తున్న యాప్లపై కచ్చితంగా దృష్టి పెట్టండి. ఎవరి సూచనలతోనూ పరిశీలన లేకుండా ఏ యాప్ అయినా డౌన్లోడ్ చేయవద్దు.CRPF అధికారికంగా స్పష్టం చేసింది – “ఈ నకిలీ యాప్ను ఎట్టి పరిస్థితుల్లోనూ డౌన్లోడ్ చేయవద్దు, ఇన్స్టాల్ చేయవద్దు, ఉపయోగించవద్దు.”
Read Also :
