న్యూఢిల్లీ: ఢిల్లీలో ముఖ్యమంత్రి రేఖా గుప్తా సహా కొత్తగా ప్రమాణ స్వీకారం చేసిన ఏడుగురు మంత్రుల్లో ఐదుగురిపై క్రిమినల్ కేసులు ఉన్నాయి. 2025 ఢిల్లీ అసెంబ్లీ ఎన్నికలకు ముందు ఆయా మంత్రులు సమర్పించిన అఫిడవిట్ల ఆధారంగా ఈ విషయాలు వెల్లడయ్యాయి. ఈ వివరాలను ఎన్నికల హక్కుల సంస్థ అసోసియేషన్ ఫర్ డెమొక్రటిక్ రిఫార్మ్స్ (ADR) గురువారం వెల్లడించింది.
ఏడుగురు కేబినెట్ మంత్రుల్లో ఇద్దరు బిలియనీర్లు
సీఎం రేఖా గుప్తా పై కూడా..
క్రిమినల్ కేసులు ఉన్న ఢిల్లీ మంత్రుల్లో ముఖ్యమంత్రిగా ప్రమాణ స్వీకారం చేసిన బీజేపీ నాయకురాలు రేఖా గుప్తా కూడా ఉన్నారు. ఆశిష్ సూద్ అనే మంత్రి తీవ్రమైన నేరారోపణలను ఎదుర్కొంటున్నారు. ఆర్థిక పరంగా చూస్తే ఢిల్లీ మంత్రుల్లో ఇద్దరు మంత్రులు బిలియనీర్లు. వీరిలో రాజౌరీ గార్డెన్ నియోజకవర్గానికి చెందిన బీజేపీ ఎమ్మెల్యే మంజిందర్ సింగ్ సిర్సా మొత్తం ఆస్తులు అత్యధికంగా రూ.248.85 కోట్లుగా ఉన్నాయి. కరవాల్ నగర్ నియోజకవర్గానికి చెందిన కపిల్ మిశ్రా రూ.1.06 కోట్ల ఆస్తులతో అత్యల్ప ఆస్తులు కలిగి ఉన్నారు.
అప్పుల్లో పర్వేశ్ సింగ్ టాప్
ఏడుగురు కేబినెట్ మంత్రుల్లో ఇద్దరు బిలియనీర్లు ఉన్నారు. రాజౌరి గార్డెన్ నియోజకవర్గం నుండి గెలిచిన మంజీందర్ సింగ్ సిర్సా సమర్పించిన అఫిడవిట్ ఆధారంగా అతనికి రూ.248.85 కోట్ల ఆస్తులు ఉన్నాయి. ఏడుగురు ఢిల్లీ మంత్రుల సగటు ఆస్తులు రూ.56.03 కోట్లుగా ఉంది. మొత్తం ఏడుగురు మంత్రులు అప్పులు ప్రకటించగా, వారిలో న్యూఢిల్లీ నియోజకవర్గానికి చెందిన పర్వేశ్ సాహిబ్ సింగ్ అత్యధికంగా రూ.74.36 కోట్ల అప్పులు చేశారు. ఏడుగురు మంత్రుల్లో ఆరుగురు గ్రాడ్యుయేట్ స్థాయి లేదా అంతకంటే ఎక్కువ విద్యార్హతలను ప్రకటించగా, ఒక మంత్రి 12వ తరగతి మాత్రమే పూర్తి చేశారు.
విధాన పరిణామాలపై చర్చలు
ఈ మార్పులతో ఢిల్లీలో రాజకీయ సమీకరణాలు మరింత ఆసక్తికరంగా మారాయి. ముఖ్యంగా క్రిమినల్ కేసులు ఎదుర్కొంటున్న మంత్రుల వ్యవహారం విపక్షాల విమర్శలకు దారితీసింది. అవినీతి నిరోధక వ్యవస్థను మరింత కఠినతరం చేయాలని ప్రతిపక్ష నేతలు డిమాండ్ చేస్తున్నారు.
సమాజంపై ప్రభావం
కేబినెట్లో మంత్రుల ఆర్థిక స్థితిగతులు, క్రిమినల్ కేసులు ఉన్న వారి నియామకం సామాజిక మద్దతును ఎలా ప్రభావితం చేస్తాయనే అంశం హాట్ టాపిక్గా మారింది. ప్రజాప్రతినిధుల స్వచ్చతపై పౌరసమాజం మరింత నిగ్రహంగా వ్యవహరించాలని రాజకీయ విశ్లేషకులు అభిప్రాయపడుతున్నారు.
