Chhattisgarh: పూర్వకాలంలో వివాహం (Marriage) అంటే కేవలం రెండు కుటుంబాల పెద్దల నిర్ణయం మీద ఆధారపడి ఉండేది. వధూవరులు ఒకరినొకరు చూసుకునే అవకాశం కూడా తక్కువగా ఉండేది. కానీ నేడు యువతీ యువకులు తమ భాగస్వామిని ఎంచుకునే స్వేచ్ఛను పొందారు. అయితే, స్మార్ట్ఫోన్ల రాకతో పెళ్లి నిశ్చయమైనప్పటి నుంచి మొదలయ్యే ఫోన్ సంభాషణలు కొత్త చిక్కులకు దారితీస్తున్నాయి.
Read Also: America: ట్రంప్ సుంకాల రద్దు.. రూ. 12 లక్షల కోట్లు రీఫండ్
పెళ్లి పీటల దాకా వెళ్లకుండానే విడిపోతున్న జంటలు
నిశ్చితార్థం జరిగిన వెంటనే కాబోయే భార్యాభర్తలు గంటల తరబడి ఫోన్లలో మాట్లాడుకోవడం సర్వసాధారణమైపోయింది. అయితే, ఈ అతి పరిచయం వల్ల కొన్నిసార్లు చిన్నపాటి మనస్పర్థలు, అపోహలు తలెత్తుతున్నాయి. ఫలితంగా పెళ్లికి ముందే విబేధాలు వచ్చి, సంబంధాలు రద్దయ్యే వరకు వెళ్తున్నాయి. ఈ ధోరణిని గమనించిన ఛత్తీస్గఢ్లోని బాలోద్ జిల్లాకు చెందిన ‘సేన్’ (Sen) సామాజిక వర్గం ఒక కీలక నిర్ణయం తీసుకుంది.
కుటుంబ సభ్యుల సమక్షంలోనే అనుమతి
అయితే, ఈ నిషేధం కేవలం ఫోన్లలో ఏకాంతంగా మాట్లాడుకోవడంపైనే విధించారు. నిశ్చితార్థం తర్వాత యువతీ యువకులు ఒకరినొకరు కలుసుకోవాలన్నా లేదా మాట్లాడుకోవాలన్నా, ఖచ్చితంగా కుటుంబ సభ్యుల సమక్షంలోనే జరగాలని నిబంధన విధించారు. దీనివల్ల పెద్దల పర్యవేక్షణ ఉంటుందని, వివాదాలకు తావుండదని ఆ సామాజిక వర్గం విశ్వసిస్తోంది.
Read hindi news: hindi.vaartha.com
Read Also Epaper : epaper.vaartha.com
