పని గంటల పెంపుపై కేంద్రం స్పష్టమైన వైఖరి

పని గంటలను వారానికి 70 లేదా 90 గంటలకు పెంచే ప్రతిపాదనపై కేంద్ర ప్రభుత్వం మరోసారి తన వైఖరిని స్పష్టం చేసింది. ఇటువంటి ప్రతిపాదన ఏదీ పరిశీలనలో లేదని కేంద్ర కార్మిక మరియు ఉపాధి శాఖ సహాయ మంత్రి శోభా కరంద్లాజే ప్రకటించారు. ఈ అంశంపై కార్పొరేట్ రంగ ప్రముఖుల వ్యాఖ్యలతో విస్తృత చర్చలు జరుగుతున్న నేపథ్యంలో, లోక్‌సభలో సభ్యుల లేవనెత్తిన ప్రశ్నకు మంత్రి లిఖితపూర్వక సమాధానం ఇచ్చారు. కార్మిక సంబంధిత విషయాలు ఉమ్మడి జాబితా పరిధిలోకి వస్తాయని, అందువల్ల కేంద్ర మరియు రాష్ట్ర ప్రభుత్వాలు తాము ఆధీనంలో ఉన్న కార్మిక చట్టాలను అమలు చేయగలమని ఆమె వివరించారు.

కేంద్ర ప్రభుత్వ సంస్థల్లో కార్మిక చట్టాల అమలును కేంద్ర పారిశ్రామిక సంబంధాల యంత్రాంగం (CIRM) తనిఖీ అధికారులు పర్యవేక్షిస్తారు. రాష్ట్ర స్థాయిలో, సంబంధిత ప్రభుత్వాలు ఈ బాధ్యతను నిర్వర్తిస్తాయి. దీనితో పని గంటల పెంపుపై నెలకొన్న ఊహాగానాలకు తెరపడింది. కేంద్రం కార్మిక చట్టాలను అమలు చేయడంలో స్పష్టమైన విధానాన్ని పాటిస్తుందని, ఉద్యోగుల హక్కులను పరిరక్షించేందుకు కట్టుబడి ఉందని ఈ ప్రకటన తెలియజేస్తోంది.