బీహార్ అసెంబ్లీ(Bihar Results) ఎన్నికలలో రాష్ట్రీయ జనతా దళ్ (ఆర్జేడీ) భారీ ఓటమి తరువాత, పార్టీ అధ్యక్షుడు లాలూ ప్రసాద్ యాదవ్(Lalu Prasad Yadav) కుటుంబంలో తీవ్ర కలహం నెలకొంది. లాలూ కుమారుడు తేజస్వీ యాదవ్ మరియు కుమార్తె రోహిణీ ఆచార్య మధ్య వాగ్వాదం తీవ్రంగా మారింది. ఈ గొడవ తరువాత, రోహిణీ తన రాజకీయ ప్రవృత్తిని ముగించేందుకు నిర్ణయించుకున్నట్లు ప్రకటించింది, అలాగే కుటుంబంతో కూడా సంబంధాలను తెంచుకుంటున్నట్లు తెలిపింది.
ఈ పరిణామంపై లాలూ ప్రసాద్ యాదవ్ సోమవారం ఆర్జేడీ ఎమ్మెల్యేల సమావేశంలో స్పందిస్తూ, “ఇది మా కుటుంబంలోని అంతర్గత సమస్య. దానిని నేను పరిష్కరిస్తాను” అని తెలిపారు.
Read Also: TTD: వైకుంఠ ద్వారం దర్శనం తేదీలు ప్రకటించిన టీటీడీ!
తేజస్వీ తన అక్కపై తీవ్ర ఆరోపణలు
ఎన్నికల ఫలితాల తరువాత జరిగిన గొడవలో, తేజస్వీ తన అక్కపై తీవ్ర ఆరోపణలు చేశాడు. “మీ వల్లనే మేము ఓడిపోయాం” అంటూ రోహిణీపై కక్ష సాధించాడు, ఆమెపై ఆగ్రహంతో చెప్పు విసిరి దుర్భాషలు అన్నట్లు సమాచారం. ఈ విషయంలో, రోహిణీ తన అభిప్రాయాన్ని సోషల్ మీడియాలో వ్యక్తం చేసింది. ఆమెకు పార్టీకి చెందిన సీనియర్ నాయకులు, తేజస్వీ మిత్రులు రాజకీయాల నుంచి తప్పుకోవాలని చెప్పారని ఆరోపించింది.
“నేను నా తండ్రిని కాపాడుకోవడానికి చేసిన పాపం నిజంగా పెద్ద పాపమే”
రోహిణీ, తన తండ్రి లాలూ యాదవ్కు 2022లో కిడ్నీ దానం చేసిన విషయాన్ని గుర్తుచేస్తూ, తనపై మంటిపెట్టిన ఆరోపణలపై తీవ్ర అభిప్రాయాలు వ్యక్తం చేసింది. ఆమె మాట్లాడుతూ, “నేను నా తండ్రిని కాపాడుకోవడానికి చేసిన పాపం నిజంగా పెద్ద పాపమే” అని తెలిపింది. ఈ పరిస్థితుల్లో, లాలూ తన కుమారుడు తేజస్వీకి మద్దతు వ్యక్తం చేశాడు. “తేజస్వీ చాలా కష్టపడి ఎన్నికల్లో పాల్గొన్నాడు. ఆయనే పార్టీని ముందుకు నడిపిస్తాడు” అని లాలూ అన్నారు.
ఇది ఇలా ఉండగా, రోహిణీతో పాటు లాలూ ఇతర కుమార్తెలు కూడా సర్కులర్ రోడ్ నివాసం విడిచిపోవడంతో, కుటుంబంలో జరుగుతున్న సంక్షోభం మరింత తీవ్రమైంది. లాలూ ప్రస్తుత పరిస్థితిని ఎలా పరిష్కరిస్తాడో చూడాల్సి ఉంది.
Read hindi news : hindi.vaartha.com
Epaper : epapervaartha.com
Read Also: