Bhopal: మధ్యప్రదేశ్ రాజధాని భోపాల్లో దారుణ ఘటన వెలుగులోకి వచ్చింది. గౌతమ్ నగర్ పోలీస్ స్టేషన్ పరిధిలోని ఒక స్నూకర్ క్లబ్లో (Snooker Club) 10వ తరగతి చదువుతున్న 16 ఏళ్ల విద్యార్థిపై ఇద్దరు మైనర్లు అత్యంత కిరాతకంగా దాడికి పాల్పడ్డారు. కేవలం 30 సెకన్ల వ్యవధిలో నిందితులు బాధితుడిని ఏకంగా 27 సార్లు కత్తితో పొడిచారు. బాధితుడు, నిందితులు ముగ్గురూ ఒకే కోచింగ్ సెంటర్లో 10వ తరగతి చదువుతున్నారు. కొన్ని రోజుల క్రితం స్నూకర్ ఆడుతున్న సమయంలో వీరి మధ్య ఆధిపత్యం కోసం గొడవ జరిగింది. ఆ సమయంలో బాధితుడు నిందితులను చెంపదెబ్బ కొట్టాడని, దానికి ప్రతీకారంగానే ఈ నెల 15న వారు పక్కా ప్రణాళికతో దాడికి తెగబడ్డారని పోలీసులు గుర్తించారు.
తీవ్ర గాయాలతో బాధితుడు ఆసుపత్రికి
ఈ కిరాతక దాడిలో బాధితుడికి తీవ్ర గాయాలయ్యాయి. చేతి మణికట్టుపై 10కి పైగా లోతైన గాయాలు కాగా, మరో చేతికి ఉన్న రెండు వేళ్లు పూర్తిగా తెగిపోయాయి. భుజం, వీపుపై కూడా కత్తిపోట్లు పడ్డాయి. ప్రాణాపాయ స్థితి నుంచి తృటిలో తప్పించుకున్న విద్యార్థిని స్థానికులు ఆసుపత్రికి తరలించారు. ప్రస్తుతం అతను మృత్యువుతో పోరాడుతూ చికిత్స పొందుతున్నాడు.
ఈ కేసులో పోలీసుల స్పందనపై బాధితుడి కుటుంబ సభ్యులు, స్థానికులు తీవ్ర అసహనం వ్యక్తం చేస్తున్నారు. ఇంతటి ఘోరమైన దాడి జరిగినప్పటికీ, పోలీసులు సాధారణ సెక్షన్ల కింద కేసు నమోదు చేయడం వివాదాస్పదమైంది. నిందితులైన మైనర్లను అదుపులోకి తీసుకున్నప్పటికీ, కేవలం నోటీసులు ఇచ్చి విడుదల చేయడంపై విమర్శలు వెల్లువెత్తుతున్నాయి. అయితే, వైద్య నివేదిక అందిన తర్వాత కఠినమైన సెక్షన్లు చేరుస్తామని పోలీసులు చెబుతున్నారు.
Read Also: Bangalore: బెంగళూరులో నీటిని తాగేస్తున్న డేటా సెంటర్లు..నీటి సంక్షోభంతో విలవిలా
Read hindi news: hindi.vaartha.com
Read Also Epaper : epaper.vaartha.com
Read Also: