2014 అక్టోబర్లో జరిగిన మైసూర్-దర్భంగా భాగమతి ఎక్స్ప్రెస్ రైలు ప్రమాదం అప్పట్లో దేశవ్యాప్తంగా తీవ్ర కలకలం రేపింది.ప్రాణనష్టం, ఆస్తి నష్టం కలిగించిన ఈ ప్రమాదానికి కారణం సాంకేతిక లోపమని అప్పట్లో భావించారు. కానీ దాదాపు దశాబ్దం తర్వాత వెలువడిన రైల్వే భద్రతా కమిషనర్ (CRS) నివేదిక ఈ ఘటనకు సంబంధించిన అసలు నిజాలను బహిర్గతం చేసింది. ఈ ప్రమాదం యాదృచ్ఛికం కాదని, విధ్వంసక చర్యల ఫలితమేనని నివేదిక స్పష్టం చేస్తూ కొత్త మలుపు తిప్పింది.సదరన్ సర్కిల్ రైల్వే భద్రతా కమిషనర్ ఎ.ఎం. చౌదరి నేతృత్వంలో జరిగిన విస్తృత దర్యాప్తులో సంచలన నిజాలు బయటపడ్డాయి. కావరాపేట రైల్వే స్టేషన్లోని రైలు పట్టాల ఇంటర్లాకింగ్ వ్యవస్థను గుర్తు తెలియని వ్యక్తులు బలవంతంగా మార్చినట్లు రిపోర్ట్లో తేలింది. రైలు సాధారణంగా మెయిన్ లైన్లో ప్రయాణించాల్సిన సమయంలో, పట్టాల సెట్టింగ్ను ఉద్దేశపూర్వకంగా మారుస్తూ, లూప్ లైన్ వైపు దారి మళ్లించారు. ఆ సమయంలో లూప్ లైన్లో ఒక గూడ్స్ రైలు నిలిచి ఉండడంతో భాగమతి ఎక్స్ప్రెస్ వెనుక భాగంలోకి బలంగా ఢీకొని ఘోర ప్రమాదం చోటు చేసుకుంది.
సాంకేతిక లోపం కాదని స్పష్టం
ప్రమాదానికి ఆటోమేటిక్ సిగ్నల్ లోపం లేదా పరికరాల వైఫల్యం కారణం కాదని నివేదికలో స్పష్టం చేశారు. సాధారణ రీతిలో ఈ వ్యవస్థను మార్చడం అసాధ్యం. ప్రత్యేకంగా మానవ జోక్యం వల్లే ఈ మార్పు జరిగిందని, ఇది స్పష్టమైన విధ్వంసక చర్య అని నివేదిక పేర్కొంది. ప్రమాద సమయంలో ట్రాక్లోని భాగాలను బలవంతంగా తొలగించడం, సిగ్నల్ సెట్టింగ్లో మార్పులు చేయడం వంటి ఆధారాలు దర్యాప్తులో లభించాయి.ఈ నివేదిక ఫలితంగా ప్రమాదాలు జరిగే అవకాశం ఉన్న బలహీన ప్రాంతాలను గుర్తించి, పహారాను పెంచాలని సీఆర్ఎస్ రైల్వేలకు సిఫార్సు చేసింది. దీనిపై స్పందించిన రైల్వే మంత్రిత్వ శాఖ, రైల్వే ప్రొటెక్షన్ ఫోర్స్ (RPF) స్పెషల్ ఇంటెలిజెన్స్ బ్రాంచ్ (SIB) ద్వారా భద్రతను బలోపేతం చేయనున్నట్లు తెలిపింది.
ప్రమాదానికి దారితీసిన పరిణామాలు
ఇదిలా ఉండగా.. ఈ ప్రమాదం సమయంలో లోకో పైలట్ జీ. సుబ్రహ్మణి ప్రదర్శించిన అప్రమత్తతను నివేదిక ప్రశంసించింది. ప్రమాదం గుర్తించిన వెంటనే ఆయన అత్యవసర బ్రేక్లను వేయడం వల్ల రైలు వేగం తగ్గిందని, ఫలితంగా ప్రమాద తీవ్రత తగ్గి, ప్రాణా నష్టం జరగకుండా నివారించగలిగారని పేర్కొంది.సుబ్రహ్మణి ఈ ప్రశంసనీయ చర్యలను రైల్వేశాఖ గుర్తించాలని వివరించింది. అలాగే ఆయనకు ‘అతి విశిష్ఠ రైల్ సేవా పురస్కార్’ ఇవ్వాలని సీఆర్ఎస్ సిఫార్సు చేసింది. ఈ నివేదిక, రైల్వే భద్రత, విధ్వంసకర చర్యలపై మరింత అప్రమత్తంగా ఉండాల్సిన అవసరాన్ని నొక్కి చెబుతోంది. భవిష్యత్తులో ఇలాంటి సంఘటనలు జరగకుండా నివారించడానికి రైల్వేలు తీసుకునే చర్యలు కీలకమని భావిస్తున్నారు.
భాగమతి ఎక్స్ప్రెస్ రైలు ప్రమాదానికి కారణం ఏమిటి?
దర్యాప్తు ప్రకారం, భాగమతి ఎక్స్ప్రెస్ రైలు ప్రమాదం సాంకేతిక లోపం వల్ల జరగలేదు. కావరాయిపేట్టై వద్ద గుర్తు తెలియని వ్యక్తులు పట్టాలపై ఉన్న నట్లు, బోల్ట్లను ఉద్దేశపూర్వకంగా తీసివేయడంతో రైలు తప్పిపోయి, అక్కడ నిలిచివున్న గూడ్స్ రైలును ఢీకొట్టింది.రైల్వే అధికారులు ఈ ఘటనను పూర్తిగా ‘విధ్వంసం’గా నిర్ధారించారు.
భాగమతి ఎక్స్ప్రెస్ ప్రమాదంలో ఎంత మంది మరణించారు?
ఈ ప్రమాదంలో 1,000 మందికి పైగా ప్రయాణికులు ఉన్నప్పటికీ, ఎవరూ ప్రాణాలు కోల్పోలేదు. అయితే సుమారు 20 మంది ప్రయాణికులు గాయపడ్డారు, అందులో ఇద్దరి పరిస్థితి తీవ్రమైంది.
Read hindi news: hindi.vaartha.com
Read Also:
