ఉపరాష్ట్రపతి ఎన్నికల పోరులో విపక్షాల ఇండియా కూటమి ఊహించని నిర్ణయం తీసుకుంది. ఎవరికీ ఊహించని విధంగా సుప్రీంకోర్టు మాజీ న్యాయమూర్తి (Former Supreme Court Judge), తెలంగాణకు చెందిన జస్టిస్ బి. సుదర్శన్ రెడ్డి (B Sudarshan Reddy)ని తమ అభ్యర్థిగా ఈరోజు అధికారికంగా ప్రకటించింది. దీంతో ఉపరాష్ట్రపతి ఎన్నికల రంగం మరింత ఉత్కంఠభరితంగా మారింది.
జస్టిస్ సుదర్శన్ రెడ్డి: న్యాయరంగంలో విశిష్ట అనుభవం
జస్టిస్ సుదర్శన్ రెడ్డి (B Sudarshan Reddy) 2007 నుంచి 2011 వరకు సుప్రీంకోర్టు న్యాయమూర్తిగా సేవలు అందించారు. ఆ తర్వాత ఆయన గోవా లోకాయుక్తగా కూడా కీలక బాధ్యతలు నిర్వహించారు. న్యాయ వ్యవస్థలో ఆయనకున్న అనుభవం, కఠినమైన నిష్పక్షపాత తీర్పులు ఆయనను ప్రత్యేకంగా నిలిపాయి. తెలంగాణ (Telangana) రాష్ట్రంలోని రంగారెడ్డి జిల్లా, ఆకుల మైలారం గ్రామం ఆయన స్వస్థలం. తెలుగు రాష్ట్రాల నుండి ఉపరాష్ట్రపతి అభ్యర్థిగా న్యాయరంగానికి చెందిన వ్యక్తి రావడం రాజకీయంగా ప్రాధాన్యం సంతరించుకుంది.
అధికార పక్షానికి ఎదురు నిలిచిన ప్రతిపక్షాలు
ఇప్పటికే అధికార ఎన్డీయే కూటమి తమ అభ్యర్థిగా తమిళనాడుకు చెందిన సీపీ రాధాకృష్ణన్ పేరును ప్రకటించింది. దీనికి ప్రతిస్పందనగా ఇండియా కూటమి కూడా దక్షిణాది నుంచే బలమైన అభ్యర్థిని ఎంపిక చేయాలని నిర్ణయించుకుంది. ఆ క్రమంలోనే జస్టిస్ సుదర్శన్ రెడ్డి పేరును అనూహ్యంగా ప్రకటించింది. దీంతో ఇప్పుడు పోటీ న్యాయవేత్త సుదర్శన్ రెడ్డి మరియు సీపీ రాధాకృష్ణన్ మధ్య ఆసక్తికరంగా మారింది.
వ్యూహాత్మకంగా తీసుకున్న నిర్ణయం
విపక్షాల ఈ ఎంపిక ద్వారా వారు కేవలం ఎన్నికల్లో పోటీ ఇవ్వడమే కాకుండా, వ్యూహాత్మకంగా వ్యవహరించారని విశ్లేషకులు అభిప్రాయపడుతున్నారు. న్యాయరంగంలో పేరుప్రఖ్యాతులు ఉన్న వ్యక్తిని బరిలోకి దించడం ద్వారా ఇండియా కూటమి ఓటర్లను ఆకర్షించే ప్రయత్నం చేసినట్టు రాజకీయ నిపుణులు చెబుతున్నారు.
Read hindi news: hindi.vaartha.com
Read also:
