భారత రైల్వేలో RAC (Reservation Against Cancellation) సీట్ల సమస్య మరోసారి చర్చనీయాంశంగా మారింది. అనేక మంది ప్రయాణికులు సోషల్ మీడియా వేదికగా రైల్వే ఛార్జీల విధానంపై విమర్శలు గుప్పిస్తున్నారు. RAC టికెట్ కలిగిన వారు కేవలం సగం సీటులో (సైడ్ లోవర్ బెర్త్లో ఇద్దరు) కూర్చోవాల్సి వస్తుండగా, పూర్తి టికెట్ ధర వసూలు చేయడం అన్యాయం అని వారు ఆవేదన వ్యక్తం చేస్తున్నారు.
Read Also: Supreme Court: వీధికుక్కలపై సుప్రీం ఆగ్రహం
వృద్ధులు, మహిళలకు ఇబ్బందులు
ప్రత్యేకంగా వృద్ధులు, మహిళలు, చిన్న పిల్లలతో ప్రయాణించే కుటుంబాలు ఈ విధానంతో తీవ్ర ఇబ్బందులు పడుతున్నారని ప్రయాణికులు పేర్కొంటున్నారు. రాత్రి సమయంలో నిద్ర లేకుండా ప్రయాణం చేయాల్సి వస్తుందని, కొంతమంది ఆరోగ్య సమస్యలు ఎదుర్కొంటున్నారని ఫిర్యాదులు వెల్లువెత్తుతున్నాయి.
సగం సీటుకి పూర్తి ఛార్జీ ఎందుకు?
RAC టికెట్ కలిగిన వారికి సాధారణంగా ఒక బెర్త్ను ఇద్దరు పంచుకోవాల్సి ఉంటుంది. అయినప్పటికీ, రైల్వే పూర్తి ఛార్జీనే వసూలు చేస్తోంది. ప్రయాణికులు దీనిని “సర్వీస్ గ్యాప్”గా అభివర్ణిస్తూ, కనీసం సగం టికెట్ ఛార్జీ తిరిగి చెల్లించాలనే డిమాండ్ చేస్తున్నారు
కేంద్ర మంత్రి అశ్వినీ వైష్ణవ్కి ట్యాగ్ చేస్తూ వినతులు
ట్విట్టర్ (X) సహా సోషల్ మీడియా వేదికల్లో వేలాది మంది #RACRefund హ్యాష్ట్యాగ్తో పోస్ట్లు చేస్తున్నారు. రైల్వే మంత్రిత్వ శాఖ మరియు కేంద్ర మంత్రి అశ్వినీ వైష్ణవ్(Ashwini Vaishnav) ఈ సమస్యపై స్పందించాలని కోరుతున్నారు. ప్రయాణికులు “RAC సీటు అంటే హాఫ్ సీట్, కాబట్టి హాఫ్ ఛార్జీ కావాలి” అని డిమాండ్ చేస్తున్నారు.
రైల్వే స్పందన ఏంటి?
ప్రస్తుతం రైల్వే అధికారులు ఈ అంశంపై అధికారిక ప్రకటన(Ashwini Vaishnav) చేయకపోయినా, అంతర్గతంగా RAC ఛార్జీలపై సమీక్ష చేపట్టే అవకాశం ఉన్నట్లు సమాచారం. రైల్వే బోర్డు RAC సదుపాయం ప్రయాణికుల సౌకర్యం కోసం రూపొందించిందని, కానీ దానిలో సమతుల్యత అవసరం ఉందని నిపుణులు సూచిస్తున్నారు.
RAC అంటే ఏమిటి?
RAC (Reservation Against Cancellation) అనేది రైల్వేలో ఒక సదుపాయం. ఫుల్ బెర్త్ దొరకకపోతే, రద్దైన టికెట్ల కారణంగా అవకాశం లభించే స్థితిలో ప్రయాణం చేయడానికి ఇది ఉపయోగపడుతుంది.
RAC సీటులో ఎంతమంది కూర్చోవచ్చు?
ఒక సైడ్ లోవర్ బెర్త్ను ఇద్దరు ప్రయాణికులు పంచుకుంటారు — అంటే ఒక్కొక్కరికి సగం సీటు.
Read hindi news : hindi.vaartha.com
Epaper : epapervaartha.com
Read Also: