Ajit Pawar death news : మహారాష్ట్ర రాజకీయాల్లో దూకుడు నాయకుడిగా పేరొందిన సీనియర్ నేత, ఉప ముఖ్యమంత్రి అజిత్ పవార్ బుధవారం జరిగిన విమాన ప్రమాదంలో అకాలంగా కన్నుమూశారు. ఆయన హఠాన్మరణం రాష్ట్ర రాజకీయాలను షాక్కు గురి చేసింది. అయితే ఈ విషాదం తర్వాత, ఆయన జీవితంతో ముడిపడిన ‘6’ అంకెపై ఇప్పుడు ఆసక్తికర చర్చ మొదలైంది.
మరణించే సమయానికి అజిత్ పవార్ వయసు 66 సంవత్సరాలు కావడం గమనార్హం. అంతేకాదు, ఆయన 66వ పుట్టినరోజు పూర్తయ్యాక సరిగ్గా 6 నెలలు 6 రోజులకు తుదిశ్వాస విడిచినట్టు బయటకు వచ్చింది. ఈ యాదృచ్ఛిక సమ్మేళనం రాజకీయ వర్గాల్లో, సోషల్ మీడియాలో చర్చనీయాంశంగా మారింది.
Read Also: APSRTC recruitment 2026: 7,673 ఉద్యోగాల భర్తీకి కసరత్తు
రాజకీయ ప్రస్థానంలోనూ ‘6’ అంకెతో ఆయనకు విడదీయరాని బంధం ఉంది. అజిత్ పవార్ రికార్డు స్థాయిలో ఆరుసార్లు మహారాష్ట్ర ఉప ముఖ్యమంత్రిగా బాధ్యతలు నిర్వహించారు. వేర్వేరు ప్రభుత్వాల్లో ఈ పదవిని చేపట్టడం ఆయన రాజకీయ ప్రయాణానికి ప్రత్యేకతగా నిలిచింది. 2019లో దేవేంద్ర ఫడ్నవీస్ ప్రభుత్వంలో కేవలం 80 గంటల పాటు డిప్యూటీ సీఎంగా పనిచేయడం అప్పట్లో దేశవ్యాప్తంగా సంచలనం సృష్టించింది.
సుమారు నాలుగు దశాబ్దాల రాజకీయ అనుభవం ఉన్నప్పటికీ, ముఖ్యమంత్రి కావాలన్న ఆయన కల మాత్రం నెరవేరలేదు. విధి నిర్ణయమో, గణాంకాల యాదృచ్ఛికమో తెలియదు కానీ, అజిత్ పవార్ జీవితంలో ‘6’ అంకె చివరి వరకు నీడలా వెంటాడిందన్న అభిప్రాయం బలంగా వినిపిస్తోంది.
Read hindi news: hindi.vaartha.com
Epaper: epaper.vaartha.com
Read Also: