జమ్మూ కాశ్మీర్లో పహల్గామ్ దాడి భారత్ను ఉలిక్కిపడేలా చేసింది. వెంటనే భారత్ ప్రతీకారంగా ఒక భారీ సైనిక చర్య చేపట్టింది. ఈ చర్యకు ‘ఆపరేషన్ సిందూర్’ (Operation Sindoor) అనే కోడ్ పేరు పెట్టారు. మే 10న జరిగిన ఈ దాడిలో పాకిస్థాన్ లోపల ఉన్న టార్గెట్లను భారత్ ధ్వంసం చేసింది.భారత్ దాడి చేసిన తరువాత పాకిస్థాన్ రహీమ్ యార్ ఖాన్ ఎయిర్బేస్ పని ఆపింది. ఈ ఎయిర్బేస్ (Airbase) పంజాబ్లోని కీలకమైన విమాన స్థావరం. ఈ రన్వే అప్పటి నుండి పూర్తిగా మూసివేయబడి ఉంది. ఇప్పటికీ అది పునరుద్ధరించబడలేదు.
మూడు సార్లు నోటిఫికేషన్ పొడిగింపు
ఆపరేషన్ జరిగి రెండు నెలలు గడిచినా రన్వే తెరుచుకోలేదు. మే 10న మొదటిసారి నోటిఫికేషన్ జారీ చేశారు. తర్వాత జూన్ 4న రెండోసారి నోటిఫికేషన్ వచ్చింది. ఇప్పుడు మూడోసారి కూడా అదే జరిగింది. పాకిస్థాన్ ప్రభుత్వం ఆగస్టు 5 వరకు రన్వే మూసివేతను పొడిగించింది.
మూసివేతపై పాకిస్థాన్ స్పందన లేదు
విమానయాన కార్యకలాపాలపై ఈ ఎయిర్బేస్ కీలకంగా పనిచేస్తుంది. అయినా అక్కడ ఎందుకు కార్యకలాపాలు ఆపినట్టు తెలియజేయలేదు. ఇది వ్యూహాత్మకంగా భారత్ దాడికి ప్రభావం అన్న అభిప్రాయాలు చెలామణి అవుతున్నాయి.
భారత్కు మానసిక విజయం
రన్వే ఇప్పటికీ మూసివేయబడటం పాక్కు గట్టి దెబ్బ. ఇది ఆపరేషన్ సిందూర్ విజయాన్ని సూచిస్తుంది. అంతర్జాతీయంగా ఇది పాక్ పరువు కించపరిచే అంశం. భారత దూకుడు వల్ల ఇప్పుడు పాక్ రక్షణ స్థావరాలు ఒత్తిడిలో ఉన్నాయి.
Read Also : Hindu Raksha Dal : ఘజియాబాద్ కేఎఫ్సీ వద్ద హిందూ రక్ష దళ్ నిరసన