Actor Devan : సినీ నటుడు, బీజేపీ కేరళ రాష్ట్ర ఉపాధ్యక్షుడు దేవన్ ఆ పార్టీకి రాజీనామా చేసి, తమిళనాడు స్టార్ హీరో విజయ్ నేతృత్వంలోని ‘తమిళగ వెట్రి కళగం’ (TVK) పార్టీలో చేరేందుకు సమాయత్తమవుతున్నారు. 2021లో తన సొంత పార్టీని బీజేపీలో విలీనం చేసిన ఆయన, ప్రస్తుతం కేరళ బీజేపీ నాయకత్వ తీరుపై తీవ్ర అసంతృప్తి వ్యక్తంచేశారు. సమాజ సంస్కర్త శ్రీనారాయణ గురు ఆశయాలకు పార్టీ దూరమైందని, అక్కడి నేతలకు గెలవడం కంటే ఇతర ప్రయోజనాలపైనే ఎక్కువ ఆసక్తి ఉందంటూ సంచలన వ్యాఖ్యలు చేశారు. బీజేపీలో ఉంటే తన రాజకీయ లక్ష్యాలు నెరవేరవనే భావనతోనే ప్రాథమిక సభ్యత్వానికి స్వస్తి పలికినట్లు దేవన్ మీడియాకు స్పష్టం చేశారు.
Read Also : CJP మరో హెచ్చరిక
టీవీకే కేరళ బాధ్యతలు చేపట్టనున్న దేవన్: విజయ్‌తో త్వరలో భేటీ
బీజేపీకి వీడ్కోలు పలికిన అనంతరం దేవన్ రాజకీయ భవిష్యత్తుపై స్పష్టత వచ్చింది. TVK అధినేత విజయ్ ఆహ్వానం మేరకు ఆ పార్టీ ప్రతినిధులు దేవన్ నివాసానికి వెళ్లి కేరళ రాష్ట్రంలో పార్టీ విస్తరణ, బాధ్యతలపై ప్రాథమిక చర్చలు జరిపారు. కేరళలో TVK విభాగానికి నేతృత్వం వహించే అవకాశం దేవన్‌కు లభించనున్నట్లు సమాచారం. ఈ క్రమంలోనే సెప్టెంబర్ 10న చెన్నైలో విజయ్‌తో వ్యక్తిగతంగా సమావేశమై, పార్టీ తీర్థం పుచ్చుకోవడంతో పాటు కేరళ అధ్యక్ష బాధ్యతలపై అధికారిక ప్రకటన చేయనున్నారని తెలుస్తోంది. సౌత్ ఇండియాలో TVK ని విస్తరించే ప్రయత్నాల్లో కేరళలో ఈ చేరిక ప్రాధాన్యత సంతరించుకుంది.
Read Also hindi news: hindi.vaartha.com
Read Also Epaper : epaper.vaartha.com
Read Also :