ఢిల్లీ కోర్టు (Delhi Court) ఓ విచిత్రమైన శిక్షతో వార్తల్లో నిలిచింది. కోర్టు ధిక్కారానికి పాల్పడిన నలుగురు నిందితులపై న్యాయస్థానం ఊహించని శిక్షను విధించింది. బెయిల్ బాండ్లు సమర్పించకుండా కోర్టును నిర్లక్ష్యం చేసిన వారిని చేతులు పైకెత్తి రోజంతా నిలబడి ఉండాల్సిందే అంటూ జడ్జి ఆదేశించారు.ఈ శిక్ష 2018కి సంబంధించిన కేసు (This sentence is related to the 2018 case) లో తుది విచారణ సందర్భంగా జ్యుడీషియల్ మేజిస్ట్రేట్ సౌరభ్ గోయల్ విధించారు. ఉదయం 10 గంటల నుంచి 11:40 వరకు వేచి చూసినప్పటికీ నిందితులు కనీసం తమ బెయిల్ పత్రాలను కూడా సమర్పించకపోవడం కోర్టును ఆగ్రహానికి గురిచేసింది.
కోర్టు సమయాన్ని వృథా చేయడమే ధిక్కారం
నిందితుల నిర్లక్ష్యాన్ని కోర్టు తీవ్రమైన ధిక్కారంగా పరిగణించింది. జడ్జి వ్యాఖ్యానిస్తూ – ‘‘కోర్టు సమయం వృథా చేయడమే మా ఉత్తర్వులను విస్మరించడం’’ అన్నారు. అందుకే భారత శిక్షా స్మృతిలోని 228వ సెక్షన్ కింద నిందితులను రోజంతా కోర్టు హాల్లో చేతులు పైకెత్తి నిలబెట్టాలని ఆదేశించారు.ఈ కేసులో మొత్తం నలుగురు వ్యక్తులు మిగిలారు. మొత్తం ఆరోపణలు ఎదుర్కొంటున్న ఆరుగురిలో ఇద్దరు ఇప్పటికే మరణించారు. మిగిలిన నలుగురు – ఆనంద్, కుల్దీప్, రాకేశ్, ఉపాసన – ఈ విచారణకు హాజరయ్యారు. కానీ అవసరమైన పత్రాలను సమర్పించకపోవడంతో ఈ విచిత్ర శిక్షకు గురయ్యారు.
ఒక్కరికి మాత్రం ఉపశమనం
కాగా మధ్యాహ్నం 12:48 గంటల ప్రాంతంలో కుల్దీప్ బెయిల్ బాండ్లు సమర్పించాడు. వెంటనే కోర్టు అతన్ని కస్టడీ నుంచి విడుదల చేయాలని ఆదేశించింది. అయితే మిగిలిన ముగ్గురిపై మాత్రం శిక్ష కొనసాగించాలనే స్పష్టతను జడ్జి ఇచ్చారు.ఈ ఘటనపై న్యాయవర్గాల్లో చర్చ జరుగుతోంది. కోర్టు పద్ధతులను విస్మరించే వారిపై కఠినంగా వ్యవహరించాల్సిందే అనే అభిప్రాయాలు వినిపిస్తున్నాయి.న్యాయవ్యవస్థను గౌరవించకపోతే ఇలాంటివి తప్పవని ఈ శిక్ష మరోసారి గుర్తు చేసింది. ఖచ్చితమైన సమయపాలన, పత్రాల సమర్పణ వంటి విషయాల్లో నిందితుల నిర్లక్ష్యం న్యాయ వ్యవస్థను కించపరచే పని చేస్తుందని కోర్టు స్పష్టం చేసింది.
Read Also : Pahalgam Attack : టీఆర్ఎఫ్ను ఉగ్రవాద సంస్థగా ప్రకటించిన అమెరికా