ప్రముఖ యూట్యూబర్ మరియు బిగ్ బాస్ సీజన్-5 రన్నరప్ షణ్ముఖ్ జస్వంత్ త్వరలో ఒక ఇంటివాడు కాబోతున్నాడు. గత కొంతకాలంగా తన ప్రేమ వ్యవహారం గురించి సోషల్ మీడియాలో హింట్స్ ఇస్తున్న షణ్ముఖ్, బుధవారం తన ప్రియురాలు వైష్ణవితో నిశ్చితార్థం (Engagement) చేసుకుని అభిమానులకు తీపి కబురు అందించారు. హైదరాబాద్లో అత్యంత సన్నిహితులు, కుటుంబ సభ్యుల సమక్షంలో జరిగిన ఈ వేడుకలో షణ్ముఖ్ తన ప్రేయసికి ఉంగరం తొడిగి, జీవితాంతం తోడుంటానని మాట ఇచ్చారు. దీనికి సంబంధించిన ఫోటోలను ఆయన సోషల్ మీడియా వేదికగా పంచుకోగా, ప్రస్తుతం అవి ఇంటర్నెట్లో విపరీతంగా వైరల్ అవుతున్నాయి.
Basara IIIT Student Suicide: బాసర ట్రిపుల్ ఐటీలో విద్యార్థిని సూసైడ్
షణ్ముఖ్ జస్వంత్ కెరీర్ విషయానికి వస్తే.. తనదైన యూట్యూబ్ వెబ్ సిరీస్లు ‘సాఫ్ట్వేర్ డెవలపర్’, ‘సూర్య’ వంటి వాటితో యువతలో విపరీతమైన క్రేజ్ సంపాదించుకున్నాడు. బిగ్ బాస్ హౌస్లోకి వెళ్ళిన తర్వాత ఆయన వ్యక్తిగత జీవితం మరియు గత బ్రేకప్ వార్తలు పెద్ద ఎత్తున చర్చనీయాంశమయ్యాయి. ఆ ఒడిదుడుకులన్నింటినీ దాటుకుని, ఇప్పుడు వైష్ణవితో కలిసి కొత్త జీవితాన్ని ప్రారంభించబోతుండటం పట్ల అభిమానులు హర్షం వ్యక్తం చేస్తున్నారు. టాలీవుడ్కు చెందిన పలువురు సెలబ్రిటీలతో పాటు తోటి యూట్యూబర్లు ఈ నూతన జంటకు పెద్ద ఎత్తున శుభాకాంక్షలు తెలుపుతున్నారు. నిశ్చితార్థం ముగియడంతో, త్వరలోనే వీరి వివాహ వేడుకకు సంబంధించిన తేదీని కూడా ప్రకటించే అవకాశం ఉంది.
Read Also hindi news: hindi.vaartha.com
Read Also Epaper : epaper.vaartha.com
