టాలీవుడ్లో హాట్ రూమర్ కపుల్గా నిలిచిన విజయ్ దేవరకొండ, రష్మిక మంధన్న (Vijay -Rashmika) మరోసారి సోషల్ మీడియా లో వైరల్ గా మారారు. తాజాగా ముంబై ఎయిర్పోర్టు వద్ద వీరిద్దరూ ఒకే కారులో ప్రయాణించటం కెమెరాల కంటపడ్డది. తొలుత విజయ్ ఎయిర్పోర్టు నుంచి బయటకు రాగా, కొంత సేపటికే రష్మిక కూడా అదే కారులో అక్కడకు చేరారు. వీరి మధ్య సంబంధం ఉన్నట్టు మళ్లీ ఊహాగానాలకు బలం చేకూర్చినట్లు అయ్యింది.
ఇటీవలి కాలంలో పలు ఈవెంట్లకు వీరిద్దరూ ఒకే చోట కనిపించడం, ఒకరిపై మరొకరు ప్రశంసలు కురిపించడం వంటి ఘటనలు ఇప్పటికే సినీవర్గాల్లో చర్చనీయాంశంగా మారాయి. ఇప్పుడు ఇదే కారులో కనిపించడంతో వీరి సంబంధం గురించి అభిమానుల్లో ఆసక్తి మరింత పెరిగింది. అయితే ఇప్పటివరకు ఇద్దరూ తమ మధ్య ఉన్న రిలేషన్పై ఎలాంటి అధికారిక ప్రకటన చేయలేదు. అయినా సోషల్ మీడియాలో వీరి జోడీకి సంబంధించిన వార్తలు వైరల్ అవుతూనే ఉన్నాయి.
ఇక రష్మిక నటించిన తాజా చిత్రం ‘కుబేర’ జూన్ 20న విడుదల కానుంది. ఈ నేపథ్యంలో ఆమె ముంబై వెళ్లడాన్ని ప్రచార కార్యక్రమాలతో అనుసంధానిస్తున్నారు. విజయ్ దేవరకొండ కూడా తన తదుపరి చిత్ర పనులతో బిజీగా ఉన్నప్పటికీ, ఇలాంటి సందర్భాల్లో ఇద్దరూ ఒకేసారి కనిపించడమంటే అభిమానుల ఊహాగానాలకు మరింత హెల్తీ ఫ్యూయెల్ చేరినట్లే. ఈ జంట నిజంగానే రిలేషన్లో ఉన్నారా? లేక ఇవి కేవలం అపోహలేనా? అన్నది మాత్రం కాలమే చెప్తుంది.
Read Also : Axiom-4 Mission : ‘యాక్సియం-4’ ప్రయోగం మరోసారి వాయిదా
