టాలీవుడ్ సెన్సేషనల్ హీరో విజయ్ దేవరకొండ మళ్లీ షూటింగ్ మోడ్ లోకి వచ్చేశారు. నేషనల్ క్రష్ రష్మిక మందన్నతో వివాహ వేడుకల నేపథ్యంలో కొద్దిరోజుల పాటు కెమెరాకు దూరంగా ఉన్న విజయ్, పెళ్లి తంతు ముగియగానే తన ప్రొఫెషనల్ లైఫ్ పై దృష్టి సారించారు. దాదాపు గ్యాప్ తర్వాత ఆయన మళ్లీ మేకప్ వేసుకోవడానికి సిద్ధమవుతుండటంతో అభిమానుల్లో ఉత్సాహం నెలకొంది. రాహుల్ సంకృత్యాన్ దర్శకత్వంలో అత్యంత ప్రతిష్టాత్మకంగా తెరకెక్కుతున్న ‘రణబాలి’ సినిమా కొత్త షెడ్యూల్ కోసం విజయ్ దేవరకొండ సిద్ధమయ్యారు. వ్యక్తిగత జీవితంలో కొత్త ప్రయాణాన్ని మొదలుపెట్టిన వెంటనే, కెరీర్ పరంగా కూడా తన దూకుడును ప్రదర్శిస్తూ విజయ్ సెట్స్ లో అడుగుపెట్టనున్నారు.
Read Also : T20 World Cup: సంబరాల్లో భారత్
ఈ నెలకు సంబంధించిన కీలక షెడ్యూల్ ఈ నెల 12వ తేదీ నుండి కర్నూలులో ప్రారంభం కానుంది. ఈ భారీ షెడ్యూల్ లో విజయ్ దేవరకొండతో పాటు ఇతర ప్రధాన నటీనటులందరూ పాల్గొంటారని సమాచారం. ముఖ్యంగా, వివాహానంతరం రష్మిక మందన్న మరియు విజయ్ కలిసి నటిస్తున్న హ్యాట్రిక్ చిత్రం కావడంతో ‘రణబాలి’పై భారీ అంచనాలు ఉన్నాయి. గతంలో వీరిద్దరి కాంబినేషన్లో వచ్చిన ‘గీత గోవిందం’, ‘డియర్ కామ్రేడ్’ చిత్రాలు ప్రేక్షకులను అలరించగా, ఇప్పుడు రానున్న ఈ చిత్రం సెప్టెంబర్ 11న ప్రపంచవ్యాప్తంగా విడుదల కానుంది. పెళ్లి తర్వాత ఈ జంట వెండితెరపై ఎలా మెరిపిస్తారో చూడాలని సినీ ప్రియులు ఆసక్తిగా ఎదురుచూస్తున్నారు.
Read Also hindi news: hindi.vaartha.com
Read Also Epaper : epaper.vaartha.com
Read Also :