పవర్ స్టార్ పవన్ కళ్యాణ్ (Pawan Kalyan) కథానాయకుడిగా నటిస్తున్న అత్యంత ప్రతిష్టాత్మక చిత్రం ‘ఉస్తాద్ భగత్ సింగ్’ పై కీలక అప్డేట్ వచ్చేసింది. ఈ చిత్రానికి దర్శకుడిగా హరీష్ శంకర్ Harish Shankar) వ్యవహరిస్తుండగా, తాజాగా ఆయన సినిమా షూటింగ్ విషయాన్ని అభిమానులతో పంచుకున్నారు. జూన్ రెండో వారంలో షూటింగ్ మళ్లీ ప్రారంభమవుతుందని వెల్లడించారు.
సినిమా పూర్తిచేసే లక్ష్యంతో షెడ్యూల్స్
హరీష్ శంకర్ ప్రకారం, ఇప్పటికే కొంత భాగం షూటింగ్ పూర్తి చేసిన చిత్రబృందం, ప్రస్తుతం వీలైనంత త్వరగా సినిమా పూర్తిచేసే లక్ష్యంతో షెడ్యూల్స్ ప్లాన్ చేస్తోంది. పవన్ కళ్యాణ్ రాజకీయ కార్యక్రమాల్లో బిజీగా ఉన్నప్పటికీ, ఫిల్మ్ కమిట్మెంట్స్ను నెరవేర్చేందుకు ప్రత్యేక సమయాన్ని కేటాయిస్తున్నారని సమాచారం. ఈ మూవీపై అభిమానుల్లో భారీ అంచనాలు నెలకొన్నాయి.
మైత్రీ మూవీ మేకర్స్ నిర్మాణం
మైత్రీ మూవీ మేకర్స్ ఈ చిత్రాన్ని భారీ బడ్జెట్తో నిర్మిస్తున్నారు. దేవీ శ్రీ ప్రసాద్ (DSP) సంగీతం అందిస్తున్న ఈ సినిమాలో శ్రీలీల హీరోయిన్గా నటిస్తోంది. ఇప్పటికే విడుదలైన గ్లింప్స్ వీడియోలు, ఫస్ట్ లుక్ పోస్టర్లు ప్రేక్షకులను విశేషంగా ఆకట్టుకున్నాయి. పవన్-హరీష్ కాంబినేషన్లో వస్తున్న ఈ మాస్ ఎంటర్టైనర్పై ఇండస్ట్రీలోనూ భారీ ఆసక్తి నెలకొంది.
Read Also : Ministry of Defence : రక్షణ మంత్రిత్వ శాఖ కీలక ఆదేశాలు