హీరో విశ్వక్ సేన్ నటించిన తాజా చిత్రం “లైలా” గురించి సినీ వర్గాల్లో హాట్ టాపిక్ నడుస్తోంది. వాలెంటైన్ డే కానుకగా ఫిబ్రవరి 14న విడుదలకు సిద్ధమైన ఈ సినిమా విడుదలకు ముందే విపరీతమైన హైప్ క్రియేట్ చేసింది. యువతను ఆకర్షించే ప్రేమకథా చిత్రంగా వస్తున్న “లైలా” సినిమా టీజర్, ట్రైలర్ సినిమాపై భారీ అంచనాలు పెంచేసింది. ఈ సినిమాకు సెన్సార్ బోర్డు ఎ సర్టిఫికేట్ ఇవ్వడంతో, ఇంకా ఆసక్తి మరింతగా పెరిగింది.యూత్లో మంచి ఫాలోయింగ్ ఉన్న విశ్వక్ సేన్, మరోసారి తన మార్కు సినిమాతో ప్రేక్షకుల ముందుకు రాబోతున్నాడు. వాలెంటైన్స్ డే కానుకగా విడుదలవుతున్న ఈ చిత్రం బాక్సాఫీస్ దగ్గర ఎలాంటి హంగామా చేస్తుందనేది చూడాలి.
లైలా సినిమాపై అంచనాలు ఎందుకంతలా పెరిగాయి?
ప్రస్తుతం సినిమా చుట్టూ వివాదాలే “లైలా”కు పెద్దగా ప్లస్ అయ్యాయి. విశ్వక్ సేన్, ఆకాంక్ష శర్మ జంటగా నటించిన ఈ సినిమా కి లియోన్ జేమ్స్ మ్యూజిక్ అందిస్తున్నారు. విశ్వక్ ఇప్పటివరకు నటించిన సినిమాల్లో ఇంత బోల్డ్ కంటెంట్ ఎప్పుడూ చూడలేదు. ఈ నేపథ్యంలో ట్రైలర్ విడుదలైనప్పటి నుంచీ సినిమాపై అంచనాలు అమాంతంగా పెరిగాయి.
ప్రమోషన్స్ తో హైప్
విశ్వక్ సేన్ సినిమాల ప్రమోషన్స్ అంటేనే స్పెషల్. తనదైన స్టైల్లో యూత్ను ఆకట్టుకునేలా ప్రమోషన్ చేస్తూ ఉంటారు. “లైలా” విషయంలోనూ అదే పని చేశాడు. ఇటీవల సినిమా ప్రమోషన్ ఈవెంట్స్లో విశ్వక్, హీరోయిన్ ఆకాంక్ష శర్మ మధ్య కెమిస్ట్రీకి సంబంధించి కొన్ని వీడియో క్లిప్స్ కూడా వైరల్ అయ్యాయి. ఇవన్నీ సినిమాకు అనుకున్న దానికంటే ఎక్కువ హైప్ తెచ్చాయి.
ప్రీ రిలీజ్
ఇక బిజినెస్ విషయానికి వస్తే, “లైలా” ప్రీ రిలీజ్ బిజినెస్ దాదాపు రూ. 25 కోట్ల మేర జరిగినట్లు సమాచారం. ఈ సినిమాకు యూత్ నుంచి భారీ రెస్పాన్స్ వస్తుందని ట్రేడ్ అనలిస్టులు భావిస్తున్నారు.
లైలా సినిమా విశేషాలు:
విడుదల తేదీ: ఫిబ్రవరి 14, 2025
హీరో: విశ్వక్ సేన్
హీరోయిన్: ఆకాంక్ష శర్మ
దర్శకత్వం: రామ్ నారాయణ్
సంగీతం: లియోన్ జేమ్స్
ప్రొడక్షన్: సాహు గారపాటి